ମାଲେ: ଅଷ୍ଟମ ଥର ପାଇଁ ସାଫ୍ ଚମ୍ପିଆନସିପ୍ ଟାଇଟଲ୍ ହାତେଇଲା ଭାରତ । ଶନିବାର ମାଳଦ୍ୱୀପର ମାଲେ ସ୍ଥିତ ‘ନ୍ୟାସ୍ନାଲ୍ ଷ୍ଟାଡିୟମ୍’ରେ ଆୟୋଜିତ ଫାଇନାଲ ମ୍ୟାଚରେ ନେପାଳକୁ ୩-୦ରେ ପରାସ୍ତ କରିଛି ଭାରତ ।
ଖେଳର ପ୍ରଥମାର୍ଦ୍ଧରେ ଭାରତୀୟ ଟିମ୍ ଭଲ ପ୍ରଦର୍ଶନ କରିଥିଲେ ମଧ୍ୟ ମୁକାବିଲା ଅମୀମାଂସିତ ରହିଥିଲା । କିନ୍ତୁ ଦ୍ୱିତୀୟାର୍ଦ୍ଧ ପ୍ରାରମ୍ଭରେ ଛେତ୍ରୀ ଗୋଲ୍ ଦେଇ ଭାରତକୁ ଅଗ୍ରଣୀ କରାଇଥିଲେ । ଦକ୍ଷିଣ ପାର୍ଶ୍ୱର ଖେଳାଳି ପ୍ରୀତମ୍ କୋଟଲାଙ୍କ ଠାରୁ ପାଇଥିବା ବଲ୍କୁ ଛେତ୍ରୀ ଏଭଳି ନୈପୁଣ୍ୟ ସହକାରେ ସଟ୍ ମାରିଥିଲେ ଯେ, ତାହାକୁ ଅଟକାଇବାକୁ ନେପାଳୀ ଗୋଲ୍କିପର୍ ବଲ୍ ଧରିବାକୁ ସୁଯୋଗ ପାଇନଥିଲେ ।