ଲଣ୍ଡନ: ମହାମାରୀ କୋରୋନା ଭାଇରସ(COVID-19) ଯୋଗୁଁ ବିଶ୍ୱ କ୍ରୀଡାଜଗତ ଅସ୍ତବ୍ୟସ୍ତ ଓ ବିଶେଷ ପ୍ରଭାବିତ । ବିଶ୍ୱର ପ୍ରାୟ ସମସ୍ତ କ୍ରୀଡା ଇଭେଣ୍ଟ ବାତିଲ କିମ୍ବା ସ୍ଥଗିତ କରାଯାଇଛି ।
ତେବେ ସଦ୍ୟସୂଚନା ଅନୁଯାୟୀ ପୁଣି ସମ୍ମାନଜନକ କ୍ରୀଡା ଇଭେଣ୍ଟକୁ ସ୍ଥଗିତ ରଖାଯାଇଛି । ପ୍ରିମିୟର ଲିଗର 2019-20 ସଂସ୍କରଣ ଏପ୍ରିଲ 30 ପର୍ଯ୍ୟନ୍ତ ଘୁଞ୍ଚାଇ ଦିଆଯାଇଛି । ଏନେଇ ପ୍ରିମିୟର ଲିଗ ଏକ ଘୋଷଣାନାମା ଜାରି କରି ସ୍ପଷ୍ଟ କରିଛି ।
"କୋରୋନା ଭାଇରସରେ ସଂକ୍ରମଣର ଭୟ ସମସ୍ତଙ୍କୁ ରହିଛି । ସୁରକ୍ଷା ଦୃଷ୍ଟିରୁ ଏଫଏ, ପ୍ରିମିୟର ଲିଗ, ଇଏଫଏଲ ସମେତ ପିଏଫଏ ଓ ଏଲଏମଏ ସମସ୍ତେ ଏହି ସମୟକୁ ଅନୁଭବ କରୁଛନ୍ତି । ତେବେ ସ୍ଥିତିରେ ସୁଧାର ଆସିଲେ 2019-20 ସଂସ୍କରଣର ଫୁଟବଲ, ସମସ୍ତ ଘରୋଇ ଟୁର୍ଣ୍ଣାମେଣ୍ଟ ସହ ୟିରୋପିଅନ କ୍ଳବ ଲିଗ୍ ଏକଂ କପ୍ ମ୍ୟାଚ ଖେଳାଯିବ" ପ୍ରିମିୟର ଲିଗ ପକ୍ଷରୁ ସ୍ପଷ୍ଟ କରାଯାଇଛି । ପୂର୍ବରୁ ମାର୍ଚ୍ଚ 13ରେ ପ୍ରିମିୟର ଲିଗ୍ ପକ୍ଷରୁ ସମସ୍ତ ମ୍ୟାଚ ସୂଚୀକୁ ଏପ୍ରିଲ 3 ପର୍ଯ୍ୟନ୍ତ ଘୁଞ୍ଚାଇ ଦିଆଯାଇଥିଲା ।
ବ୍ୟୁରୋ ରିପୋର୍ଟ, ଇଟିଭି ଭାରତ