ଲା ଲିଗା: ବାର୍ସେଲୋନାର ଘୋଷଣା, ଷ୍ଟ୍ରାଇକର ସୁଆରେଜ ସୁସ୍ଥ

ଷ୍ଟାର ଷ୍ଟ୍ରାଇକର ଲୁଇସ ସୁଆରେଜ ସଂପୂର୍ଣ୍ଣ ଫିଟ ହୋଇଛନ୍ତି ଓ ଆଗାମୀ ମାଲୋରକା ବିପକ୍ଷ ମ୍ୟାଚରେ ଖେଳିବାନେଇ ସ୍ପଷ୍ଟ କରିଛି ସ୍ପାନିସ ଫୁଟବଲ କ୍ଳବ ବାର୍ସେଲୋନା ।

ବାର୍ସେଲୋନା: ଷ୍ଟାର ଷ୍ଟ୍ରାଇକର ଲୁଇସ ସୁଆରେଜ ସଂପୂର୍ଣ୍ଣ ଫିଟ ହୋଇଛନ୍ତି ଓ ଆଗାମୀ ମାଲୋରକା ବିପକ୍ଷ ମ୍ୟାଚରେ ଖେଳିବେ । ଏନେଇ ସ୍ପଷ୍ଟ କରିଛି ସ୍ପାନିସ ଫୁଟବଲ କ୍ଳବ ବାର୍ସେଲୋନା ।

ଗତ ଜାନୁଆରୀରୁ ଆହତ କାରଣରୁ ଦଳରୁ ବାଦ ପଡିଥିଲେ ସୁଆରେଜ । ଆଣ୍ଠୁରେ ଅସ୍ତ୍ରୋପଚାର ପରେ ପ୍ରାୟ 147 ଦିନର ବ୍ୟବଧାନରେ ପରେ ସେ ସୁସ୍ଥ ହୋଇଥିବା ଏକ ଅଫିସିଆଲ ଘୋଷଣାନାମାରେ ବାର୍ସେଲୋନା ପକ୍ଷରୁ କୁହଯାଇଛି ।

ଚଳିତ ଲା ଲିଗା ସିଜିନରେ 23ଟି ମ୍ୟାଚରୁ 14ଟି ଗୋଲ କରିଛନ୍ତି ଲୁଇସ ସୁଆରେଜ । ଲିଗରେ ମୋଟ 11ଟି ଗୋଲ ଓ ଚମ୍ପିଆନ ଲିଗରେ 3ଟି ଗୋଲ ତାଙ୍କ ନାମରେ ରହିଛି ।

ବର୍ତ୍ତମାନ ଲା ଲିଗା ପଏଣ୍ଟ ଟେବୁଲର ଶୀର୍ଷରେ ରହିଛି ବାର୍ସେଲୋନା ।

ବ୍ୟୁରୋ ରିପୋର୍ଟ, ଇଟିଭି ଭାରତ