ମାଦ୍ରିଦ: ଚଳିତ ଲା ଲିଗା ଟୁର୍ଣ୍ଣାମେଣ୍ଟର ସେଭିଲା କ୍ଳବର ଆଉ ଏକ ବିଜୟ । ଏହି ବିଜୟ ସହ କୋରୋନା ଭାଇରସ ପରେ ଆରମ୍ଭ ହୋଇଥିବା ଲିଗରେ ଅପରାଜେୟ ରହିଛି କ୍ଳବ । ରିୟଲ ମଲୋରକାକୁ 2-0 ଗୋଲ୍ ରେ ହରାଇ ଚମ୍ପିଆନ୍ସ ଲିଗ ଯୋଗ୍ୟତା ହାସଲର ନିକଟତର ହୋଇଛି ।
ଫରୱାର୍ଡ ଖେଳାଳି ଲୁକାସ ଓକମ୍ପସ ପ୍ରଥମ ଗୋଲ ଓ ୟୁସୁଫ ଏନ-ନେସୟରି କ୍ଳବ ପକ୍ଷରୁ ଦ୍ବିତୀୟ ଗୋଲ କରିଥିଲେ । ଏହି ବିଜୟ ସେଭିଲାର କ୍ରମାଗତ 4ର୍ଥ ବିଜୟ । ମିଡଫିଲ୍ଡର ଫର୍ଣ୍ଣାଣ୍ଡୋ ଏହି ବିଜୟରେ ଖୁସିବ୍ୟକ୍ତ କରିବା ସହ ଲକ୍ଷ୍ୟ ହାସଲର ନିକଟବର୍ତ୍ତୀ ହୋଇଥିବା କହିଛନ୍ତି ।