ରୋମ୍: କୋରୋନା ଭାଇରସ ପ୍ରଭାବ ସତ୍ତ୍ବେ ଇଟାଲୀକୁ ଫେରିଛି ଫୁଟବଲ । କୋପା ଇଟାଲିଆ ଟୁର୍ଣ୍ଣାମେଣ୍ଟରେ ପ୍ରଥମ ଟିମ ଭାବେ ଫାଇନାଲରେ ପ୍ରବେଶ କରିଛି ଜୁଭେଣ୍ଟସ ।
ତୁରୀନର ଆଲିଆଞ୍ଜ ଷ୍ଟାଡିୟମରେ ଖେଳାଯାଇଥିବା ସେମିଫାଇନାଲ ମୁକାବିଲାରେ ଏସି ମିଲନକୁ ପରାସ୍ତ କରିବା ପରେ ଫାଇନାଲକୁ ଉନ୍ନିତ ହୋଇଛି ଜୁଭେଣ୍ଟସ । ଏହି ମ୍ୟାଚ ଖାଲି ଷ୍ଟାଡିୟମରେ ବିନା ଦର୍ଶକରେ ଖେଳାଯାଇଥିଲା ।
ତେବେ ଏହି ମ୍ୟାଚ ମାର୍ଚ୍ଚ 4ରେ ଖେଳାଯିବା ନେଇ ପୂର୍ବରୁ ସୂଚୀ ରହିଥିଲା । ମାତ୍ର କୋରୋନା ଭାଇରସ ଇଟାଲୀରେ ଆତଙ୍କ ଖେଳାଇବା ପରେ ଏହାକୁ ସ୍ଥଗିତ ରଖାଯାଇଥିଲା ।
କୋପା ଇଟାଲିଆ ଲିଗ ଫାଇନାଲ ମ୍ୟାଚ ରୋମ ଷ୍ଟାଡିଓ ଅଲମ୍ପିକୋରେ ଜୁନ 17ରେ ଖେଳାଯିବା ନେଇ ସୂଚୀ ରହିଛି । କୋରୋନା ଭାଇରସ ପରେ ଇଟାଲୀରେ ଏହି ଫୁଟବଲ ଟୁର୍ଣ୍ଣାମେଣ୍ଟ ପ୍ରଥମ କରି ଖେଳାଯାଉଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
