ଭୁବନେଶ୍ବର: ଇଣ୍ଡିଆନ ସୁପର ଲିଗର ସପ୍ତମ ସଂସ୍କରଣକୁ ଦୃଷ୍ଟିରେ ରଖି ଶୁକ୍ରବାର ଓଡ଼ିଶା ଏଫସି ଗେରୀ ପେଟୋନଙ୍କୁ ଦଳର ନୂଆ ଆସିଣ୍ଟାଣ୍ଟ କୋଚ ଭାବେ ସାଇନ କରାଯାଇଥିବା ଘୋଷଣା କରିଛି ।
64 ବର୍ଷୀୟ ପେଟୋନ ଭୁବନଶ୍ବର ସ୍ଥିତ ଦଳ ପାଇଁ ଦୁଇ ବର୍ଷର ଡିଲ ସାଇନ କରିଥିବା ଜଣାପଡ଼ିଛି । ପେଟୋନ ଅନେକ ଗୁଡ଼ିଏ ପ୍ରତିଷ୍ଠିତ କ୍ଲବ ଯଥା, ୱେଷ୍ଟ ହମ ୟୁନାଇଟେଡ, ଏଭରଟନ, ଫୁଲହମ ପାଇଁ ଖେଳିବା ସହ ଆର୍ସେନାଲ ଓ ଫୁଲହମ ଭଳି କ୍ଲବର କୋଚିଂ ଟିମର ସଦସ୍ୟ ରହିଛନ୍ତି ।
ଓଡ଼ିଶା ଏଫସିରେ ଯୋଗଦେବା ପୂର୍ବରୁ ଏହି ପୂର୍ବତନ ଇରିଶ ନ୍ୟାସନାଲ ଖେଳାଳି ଜାପାନର ଫୁଟବଲ କ୍ଲବ ଶିମିଜୁ ଏସ-ଫ୍ଲସର ଆସିଷ୍ଟାଣ୍ଟ ମ୍ୟାନେଜର ଥିଲେ ।
ନୂଆ ଆସିଷ୍ଟାଣ୍ଟ କୋଚଙ୍କୁ ସ୍ବାଗତ କରି ଓଡି଼ଶା ଏଫସି ଅଧ୍ୟକ୍ଷ ରୋହନ ଶର୍ମା କହିଛନ୍ତି ଯେ, ‘‘ଗେରୀଙ୍କ ଭଳି ସାମର୍ଥ୍ୟ ଥିବା ଜଣେ ବ୍ୟକ୍ତିଙ୍କୁ ପାଇଁ ମୁଁ ବହୁତ ଖୁସି ଯିଏକି ଏହି ବର୍ଷ ଆମକୁ ସାହାଯ୍ୟ କରିବେ । ଆର୍ସେନାଲରେ ତାଙ୍କର 15 ବର୍ଷର କ୍ୟାରିୟର ଆମ ଖେଳାଳିଙ୍କୁ ଖାସ କରି ଗୋଲକିପରଙ୍କୁ ବେଶ୍ ସହାୟକ ହେବ । ସେ ଏମିତି ଜଣେ ବ୍ୟକ୍ତିତ୍ବ ଯିଏ ଆମକୁ ପଡ଼ିଆ ଭିତରେ ତଥା ବାହାରେ ଦକ୍ଷ ହେବାରେ ସହାୟକ ହୋଇ ପାରିବେ ।’’
ପେଟୋନ ମଧ୍ୟ ଓଡ଼ିଶା ଏଫସିରେ ଯୋଗ ଦେବା ପରେ କହିଛନ୍ତି, ‘‘ମୁଁ ଭାରତରେ ମୋର ବନ୍ଧୁ ଓ ସହକର୍ମୀ ଷ୍ଟୁଆର୍ଟ ବ୍ୟାକଷ୍ଟରଙ୍କ ସହିତ ତଥା ଅନ୍ୟ ଷ୍ଟାଫ ଓ ଖେଳାଳିଙ୍କ ସହ କାର୍ଯ୍ୟ କରିବାକୁ ଉତ୍ସାହିତ ଅଛି । ଏକା ସାଙ୍ଗରେ ଆମେ ଓଡ଼ିଶା ଏଫସିରେ ଏକ ସଫଳ ପ୍ରକଳ୍ପ ନିର୍ମାଣରେ ସହାୟକ ହେବା ସହ ଓଡ଼ିଶା ପାଇଁ ବର୍ଷ ବର୍ଷ ଧରି ଏକ ଉତ୍ତରଦାୟିତ୍ବ ଛାଡ଼ିଯିବୁ ବୋଲି ମୋର ଆଶା ।’’
@IANS
