ପାଣାଜି: ଆଇଏସଏଲର ସପ୍ତମ ସଂସ୍କରଣର 3ଟି ମ୍ୟାଚ ବେଶ୍ ରୋମାଞ୍ଚକର ରହିଥିଲା । ତେବେ ଆଜି ଚଳିତ ସିଜନର 4ର୍ଥ ମ୍ୟାଚ ଜିଏମ୍ସି ଷ୍ଟାଡିୟମରେ ସଂନ୍ଧ୍ୟା 7ଟା 30ରେ ଖେଳାଯିବ । ଏହି ମ୍ୟାଚରେ ମୁହାଁମୁହି ହେବେ ଓଡିଶା ଏଫ୍ସି ଓ ହାଇଦ୍ରାବାଦ ଏଫ୍ସି । ନୂଆ ପ୍ରଶିକ୍ଷକ ଓ ଅଧିନାୟକଙ୍କୁ ନେଇ ଗ୍ରାଉଣ୍ଡକୁ ଓହ୍ଲାଇବ ଓଡିଶା ଏଫ୍ସି ଦଳ । ବିଜୟ ସହ ସିଜିନର ଯାତ୍ରାର ଆରମ୍ଭ କରିବାକୁ ଚାହିଁବ ଟିମ ।
ଓଡିଶା ଏଫ୍ସି ବିପକ୍ଷ ଦଳ ହାଇଦ୍ରାବାଦ ଏଫ୍ସି ମଧ୍ୟରେ ଗତ ସିଜନରେ 2ଟି ମ୍ୟାଚ ଖେଳାଯାଇଥିଲା । ଏହି 2ଟି ମ୍ୟାଚକୁ ହାତେଇଥିଲା ଓଡିଶା ଏଫ୍ସି । 2019-20ରେ ପ୍ରଥମ କରି ସାମିଲ ହୋଇଥିଲା ଓଡିଶା ଏଫ୍ସି ଦଳ । ଉକ୍ତ ସିଜନରେ 18ଟି ମ୍ୟାଚରୁ 7ଟିରେ ବିଜୟ, 4ଟି ଡ୍ର ଖେଳିଥିଲା ଓ 7ଟି ରେ ପରାଜୟ ହୋଇ 25 ପଏଣ୍ଟ ସହ ପଏଣ୍ଟ ଟେବୁଲର 6ଷ୍ଠ ସ୍ଥାନର ରହିଥିଲା କ୍ଲବ ।