ପଣଜୀ: ଇଣ୍ଡିଆନ ସୁପର ଲିଗର ସପ୍ତମ ସଂସ୍କରଣରେ ଓଡିଶା ଏଫସି ଅଭିଯାନ ଶେଷ କରିଛି । ତେବେ ଶନିବାର ଖେଳିଥିବା ଶେଷ ମ୍ୟାଚରେ ଏସସି ଇଷ୍ଟ ବେଙ୍ଗଲକୁ 6-5 ଗୋଲ୍ରେ ହରାଇଛି ଦଳ । ଚଳିତ ସିଜିନରେ ବିଜୟ ପାଇଁ ସଂଘର୍ଷ କରୁଥିବା ଟିମ ଓଡିଶାକୁ ଶେଷରେ ପ୍ରତିକ୍ଷୀତ ବଡ ବିଜୟ ମିଳିଛି ।
ଏପରିକି ଇଣ୍ଡିଆନ ସୁପର ଲିଗରେ ଗୋଟିଏ ମ୍ୟାଚରେ ସର୍ବାଧିକ ଗୋଲ୍ର ରେକର୍ଡ ମଧ୍ୟ ଏହି ମ୍ୟାଚରେ ହୋଇଛି ।
ଶନିବାର ଜିଏମସି ବାମ୍ବୋଲିମ ଷ୍ଟାଡିୟମରେ ଖେଳାଯାଇଥିବା ମ୍ୟାଚରେ ଓଡିଶା ଆରମ୍ଭରୁ ଆକ୍ରମଣାତ୍ମକ ରଣନୀତି ସହ ଖେଳିଥିଲା । ଦୁଇ ଯୁବ ଭାରତୀୟ ଖେଳାଳି ପଲ ରାମଫାଙ୍ଗଜାଉଭା (49 ଓ 66ତମ ମିନିଟ)ଓ ଜେରି ମାୱିମିଙ୍ଗଥାଙ୍ଗା ମ୍ୟାଚର (51, 67ତମ ମିନିଟ)ରେ ଦୁଇଟି ଲେଖାଏଁ ଗୋଲ କରିଥିଲେ । ଏସ ଲାଲରେଜୁଆଲା (33) ଓ ଡିଏଗୋ ମାଉରିକିଓ(69) ଓଡିଶା ପକ୍ଷରୁ ଗୋଲ୍ କରିଥିଲେ ।