ISL ଫାଇନାଲ: ମୁମ୍ବାଇ ସିଟି ଏଫସି ବନାମ ATK ମୋହୁନ ବଗାନ

ଇଣ୍ଡିଆନ ସୁପର ଲିଗର ହାଇଭୋଲଟେଜ ଫାଇନାଲ ମ୍ୟାଚ ଶନିବାର ମୁମ୍ବାଇ ସିଟି ଏଫସି ଓ ଏଟିକେ ମୋହୁନ ବଗାନ ମଧ୍ୟରେ ଖେଳାଯିବ । ଅଧିକ ପଢନ୍ତୁ...

ମାର୍ଗାଓ:ଇଣ୍ଡିଆନ ସୁପର ଲିଗର ହାଇଭୋଲଟେଜ ଫାଇନାଲ ମ୍ୟାଚ ଶନିବାର ଖେଳାଯିବ । ସ୍ଥାନୀୟ ନେହେରୁ ଷ୍ଟାଡିୟମ ଫାଟୋର୍ଦାରେ ଏହି ମ୍ୟାଚ ଖେଳାଯିବ ।

ମୁମ୍ବାଇ ସିଟି ଏଫସି ଓ ଏଟିକେ ମୋହୁନ ବଗାନ ମଧ୍ୟରେ ଟାଇଟେଲ ଲଢେଇ ହେବ ।

ଚଳିତ ସିଜିନରେ ପ୍ରଦର୍ଶନ ଦୃଷ୍ଟିରୁ ଉଭୟ ଟିମ ସମପରିମାଣରେ ଶକ୍ତିଶାଳୀ ରହିଛନ୍ତି । ଲିଗ ପର୍ଯ୍ୟାୟରେ ଉଭୟ 12ଟି ଲେଖାଏଁ ମ୍ୟାଚ ଜିତିବା ସହ 4ଟିରେ ପରାସ୍ତ ହୋଇଛନ୍ତି । ଉଭୟ 40 ପଏଣ୍ଟ ସହ ଲିଗ ପର୍ଯ୍ୟାୟ ଶେଷ କରିଛନ୍ତି । ତେବେ ଚଳିତ ସିଜିନରେ ଏଟିକେ ମୋହୁନ ବଗାନକୁ ଦୁଇଥର ହରାଇଛିା ମୁମ୍ବାଇ । ଫଳରେ ଫାଇନାଲ ମ୍ୟାଚରେ ବିଜୟ ସହ ଟାଇଟେଲ ବିଜୟ ଲକ୍ଷ୍ୟରେ ରହିଛି କ୍ଲବ । ଅନ୍ୟପଟେ ଲିଗ୍‌ ପର୍ଯ୍ୟାୟରେ ପରାଜୟର ମଧୁର ପ୍ରତିଶୋଧ ଫାଇନାଲରେ ନେବାକୁ ଏଟିକେ ପାଖରେ ସୁଯୋଗ ରହିଛି ।

ତେବେ ଉଭୟ ଟିମରେ ଏକାଧିକ ମ୍ୟାଚ ବିଜେତା ଖେଳାଳି ରହିଥିବାରୁ କାହାର ପଲ୍ଲା ଭାରୀ ଏହା କହିବା ମୁସ୍କିଲ । ଉଭୟ ଟିମ ବିଜେତା ହେବାର କ୍ଷମତା ରଖିଛନ୍ତି । ଫଳରେ ଏହି ମ୍ୟାଚକୁ ନେଇ ଫୁଟବଲପ୍ରେମୀଙ୍କ ମଧ୍ୟରେ ଉତ୍ସାହ ଦେଖାଯାଇଛି ।

ବ୍ୟୁରୋ ରିପୋର୍ଟ, ଇଟିଭି ଭାରତ