ହାଇଦ୍ରାବାଦ: ସାଫ ଫୁଟବଲ ଟୁର୍ଣ୍ଣାମେଣ୍ଟରେ ଭାରତୀୟ ଅଣ୍ଡର 15 ଫୁଟବଲ ଦଳ ଚମ୍ପିଆନ ହୋଇଛି । ଫାଇନାଲରେ ନେପାଳକୁ 7-0ର ବଡ ବ୍ୟବଧାନରେ ହରାଇ ଚମ୍ପିଆନ ହୋଇଛି ଭାରତ । ଚମ୍ପିଆନ ଦଳରେ ଓଡିଶାର ରଞ୍ଜନ ସୋରେନ ଓ ଏ ଶିବପ୍ରସାଦ ରହିଛନ୍ତି ।
ଷ୍ଟ୍ରାଇକର ଶ୍ରୀଦାର୍ଥ ନଙ୍ଗମୈକାପମ ମ୍ୟାଚର 51, 76 ଓ 80 ତମ ମିନିଟରେ 3ଟି ଗୋଲ କରି ହ୍ୟାଟ୍ରିକ ଗୋଲ କରିଥିଲେ । ମହେସନ ସିଂ, ଅମନନଦିପ, ସିବାଜିତ ସିଂ ଓ ହିମାଂଶୁ ଜାଙ୍ଗ୍ରା ଗୋଟିଏ ଲେଖାଏଁ ଗୋଲ କରି ଭାରତର ସ୍କୋରକୁ 7-0ରେ ପହଞ୍ଚାଇଥିଲେ ।