ଭୁବନେଶ୍ବର: ଦିଲ୍ଲୀକୁ ହରାଇ ଚଳିତ ହିରୋ ସୁପର କପର ସେମିଫାଇନାଲରେ 2ୟ ଦଳ ଭାବେ ପ୍ରବେଶ କରିଛି ATK । ସ୍ଥାନୀୟ କଳିଙ୍ଗ ଷ୍ଟାଡିୟମରେ ଖେଳାଯାଇଛି ଏହି ହାଇ ଭୋଲ୍ଟେଜ ମ୍ୟାଚ। ଅନ୍ୟପଟେ ATK ପକ୍ଷରୁ ଫରୱାର୍ଡ ବଲବନ୍ତ ସିଂ ହ୍ୟାଟ୍ରିକ ଗୋଲ କରିବା ସହ ବିଜୟରେ ପ୍ରମୁଖ ଭୂମିକା ଗ୍ରହଣ କରିଛନ୍ତି ।
ଭିଡିଓ ସୌଜନ୍ୟ- ପ୍ରତିନିଧି ଭୁନେଶ୍ବର
ତେବେ ଦମଦାର ଖେଳ ପ୍ରଦର୍ଶନ କରିବା ସହିତ ATK ଦଳର ଖେଳାଳିମାନେ ପ୍ରତିପକ୍ଷ ଉପରେ ଘନ ଘନ ଚାପ ସୃଷ୍ଟି କରିଥିଲେ। ମ୍ୟାଚର ପ୍ରଥମ 15 ମିନିଟରେ ଦିଲ୍ଲୀର ଖେଳାଳି ମ. ସାଜିଦ ଧୂତ ମ୍ୟାଚର ପ୍ରଥମ ଗୋଲ କରିଥିଲେ। କିନ୍ତୁ ପରବର୍ତ୍ତୀ 20 ମିନିଟରେ ପ୍ରତିପକ୍ଷ ଏଟିକେର ଆକ୍ରମଣାତ୍ମକ ପ୍ରଦର୍ଶନ ଦର୍ଶକଙ୍କୁ ଚମକାଇ ଦେଇଥିଲା। ଏହି ସମୟ ମଧ୍ୟରେ ଏଟିକେ 3ଟି ଗୋଲ ସ୍କୋର କରିବାରେ ସକ୍ଷମ ହୋଇଥିଲେ । ତେବେ ଦିଲ୍ଲୀ ଆଉ ଏକ ଗୋଲ ଦେଇଥିଲେ ସୁଦ୍ଧା 3-2ରେ ପଛୁଆ ରହିଯାଇଥିଲା । ପରବର୍ତ୍ତୀ 10 ମିନିଟରେ ସ୍କୋର କାର୍ଡରେ କୌଣସି ପରିବର୍ତ୍ତନ ହୋଇ ନଥିଲା ।