କୋଲକାତା:ଚଳିତ ଦୁରନ୍ଦ କପ୍ରେ ବେଙ୍ଗାଲୁରୁ ଏଫସିର ଦମଦାର ପ୍ରଦର୍ଶନ ଜାରି । କ୍ବାର୍ଟର-ଫାଇନାଲ ମୁକାବିଲାରେ ଆର୍ମୀ ଗ୍ରୀନକୁ ୩-୨ରେ ହରାଇ ସେମିଫାଇନାଲରେ ପ୍ରବେଶ କରିଛି ଏଫସି ବେଙ୍ଗାଲୁରୁ । ଶନିବାର ସ୍ଥାନୀୟ ବିବେକାନନ୍ଦ ଯୁବ ଭାରତୀ କ୍ରୀଡାଙ୍ଗନରେ ଖେଳାଯାଇଥିବା ୧୩୦ତମ ଦୁରନ୍ଦ କପ୍ର ଏହି ମ୍ୟାଚ୍ରେ ଏକ ସମୟରେ ପଛରେ ଥିବା ବାଙ୍ଗାଲୋର ଦମଦାର ପ୍ରତ୍ୟାବର୍ତ୍ତନ ସହ ଚିତାକର୍ଷକ ବିଜୟ ହାସଲ କରିଛି। ଫଳରେ ବୁଧବାର ଏଫସି ଗୋଆ ସହ ସେମିଫାଇନାଲ ମୁକାବିଲା ଖେଳିବ ବେଙ୍ଗାଲୁରୁ ।
ୟୁଙ୍ଗୟାମ ମୁଇରାଙ୍ଗ, ଲିଓନ ଅଗଷ୍ଟାଇନ ଓ ନାମଗ୍ୟାଲ ଭୁତିଆ BFC ପାଇଁ ୩ଟି ଗୋଲ୍ ସ୍କୋର କରିଥିଲେ । ଅନ୍ୟପଟେ ଲାଲାମକିମା ଓ ଭିବିନ ଟି.ଭି ଗ୍ରୀନ ପାଇଁ ପେନାଲିଟି କର୍ଣ୍ଣର ମାଧ୍ୟମରେ ଗୋଲ୍ କରିଥିଲେ ।