କାଠମାଣ୍ଡୁ: ଫାରୁକ ଚୌଧୁରୀ ଓ କ୍ୟାପଟେନ ସୁନୀଲ ଛେତ୍ରୀଙ୍କ ଆକର୍ଷଣୀୟ ଗୋଲ୍ବଳରେ ଦ୍ବିତୀୟ ଅନ୍ତର୍ଜାତୀୟ ବନ୍ଧୁତ୍ବପୂର୍ଣ୍ଣ ମ୍ୟାଚ୍ରେ ନେପାଳକୁ ୨-୧ରେ ହରାଇଲା ଭାରତ । ସ୍ଥାନୀୟ ଦଶରଥ ଷ୍ଟାଡିୟମରେ ରବିବାର ଖେଳାଯାଇଥିବା ଏହି ମ୍ୟାଚ୍ରେ ଭାରତ ଫୁଟବଲ ଟିମ ଦମଦାର ପ୍ରଦର୍ଶନ କରିଥିଲା ।
ମ୍ୟାଚର ପ୍ରଥମାର୍ଦ୍ଧରେ ଉଭୟ ଟିମ ମଧ୍ୟରେ କଡା ମୁକାବିଲା ଦେଖିବାକୁ ମିଳିଥିଲା । ମ୍ୟାଚର ୬୨ତମ ମିନିଟରେ ବଦଳ ଖେଳାଳି ଭାବେ ଆସିଥିବା ଫାରୁଖ ଚୌଧୁରୀ ଗୋଲ୍ କରିଥିଲେ । ଏହାପରେ କ୍ୟାପଟେନ ସୁନୀଲ ଛେତ୍ରୀ ଟିମ ଇଣ୍ଡିଆ ପକ୍ଷରୁ ଦ୍ବିତୀୟ ଗୋଲ୍ ସ୍କୋର କରିବା ସହ ୨-୦ରେ ପହଞ୍ଚାଇଥିଲେ ।