ନୂଆଦିଲ୍ଲୀ: ଭାରତୀୟ ଫୁଟବଲ ଟିମର କ୍ୟାପଟେନ ସୁନୀଲ ଛେତ୍ରୀ, ବାର୍ସେଲୋନା ଷ୍ଟାର ଲିଓନେଲ ମେସିଙ୍କୁ ପ୍ରଶଂଶା କରିଛନ୍ତି । UEFA ଚମ୍ପିଆନ୍ସ ଲିଗର ରାଉଣ୍ଡ 16ରେ, ନେପୋଲି ବିପକ୍ଷ ମ୍ୟାଚରେ ମେସି ଅବିଶ୍ବସନୀୟ ଗୋଲ ସହ ବାର୍ସେଲୋନାକୁ ବିଜୟୀ କରାଇଛନ୍ତି ।
ମ୍ୟାଚର 23ତମ ମିନିଟରେ ମେସି ଏକ ଚମତ୍କାର ଗୋଲ କରିବା ସହ କ୍ଳବର ସ୍କୋରକୁ 3-1ରେ ପହଞ୍ଚାଇଥିଲେ । ମେସିଙ୍କ ଏହି ପ୍ରଦର୍ଶନକୁ ନେଇ ଭାରତୀୟ କ୍ୟାପଟେନ ସୁନୀଲ ଛେତ୍ରୀ ଟ୍ବିଟ ଯୋଗେଁ ଖୁସି ଜାହିର କହିଛନ୍ତି । ଏଥିସହିତ ଏପରି ଅଦ୍ଭୁତ ଲାଇଭ ଫୁଟବଲ ଦେଖି ବିମୋହିତ ବୋଲି ସେ ଟ୍ବିଟରେ ଲେଖିଛନ୍ତି ।