କୋଲକାତା: ବିଜୟ ସହ ଡୁରାଣ୍ଡ କପ୍ର ଅୟମାରମ୍ଭ କରିଛି ବେଙ୍ଗାଲୁରୁ ଏଫସି । କୋଲକାତାର ବିବେକାନନ୍ଦ ଯୁବ ଭାରତୀ କ୍ରୀଡ଼ାଙ୍ଗନ ଷ୍ଟାଡିୟମରେ ପ୍ରଥମ ମ୍ୟାଚରେ କେରଳ ବ୍ଲାଷ୍ଟର୍ସକୁ ଭେଟିଥିଲା ବେଙ୍ଗାଲୁରୁ ଏଫସି । ଆଇଏସଏଲ ଡିଫେଣ୍ଡିଂ ଚମ୍ପିଆନ୍ ବେଙ୍ଗାଲୁରୁ ଏଫସି କେରଳ ବ୍ଲାଷ୍ଟରକୁ ଏହି ମ୍ୟାଚରେ ୨-୦ରେ ମାତ୍ ଦେଇଛି । ମ୍ୟାଚ ଶେଷ ହେବା ବେଳକୁ ପଡ଼ିଆରେ କେରଳ ବ୍ଲାଷ୍ଟର୍ସର ମାତ୍ର ୮ ଜଣ ଖେଳାଳି ରହିଥିଲେ ।
ମ୍ୟାଚ ପ୍ରଥମାର୍ଦ୍ଧରେ କେରଳ ବ୍ଲାଷ୍ଟର ଭଲ ଖେଳ ପ୍ରଦର୍ଶନ କରିଥିଲେ । ଏହ ସମୟରେ ମଧ୍ୟରେ ପ୍ରତିପକ୍ଷ ଦଳକୁ ଗୋଲ ଦେବାର ସୁଯୋଗ ମଧ୍ୟ ସୃଷ୍ଟି କରିଥିଲା ଦଳ । ହେଲେ ଏହାକୁ ଗୋଲ୍ରେ ପରିଣତ କରି ପାରିନଥିଲା । ୩୩ତମ ମିନିଟରେ ଦଳର ଶୀକୁଟମ ଏକ ଗୋଲ ଦେବାକୁ ଚେଷ୍ଟ କରିଥିଲେ ସୁଦ୍ଧା ବେଙ୍ଗାଲୁରୁ ଏଫସିର ଗୋଲକିପର ଲାରା ଏହାକୁ ବଞ୍ଚାଇାବାରେ ସକ୍ଷମ ହୋଇଥିଲେ ।