ଦୋହା: ଏସିଆନ କପ କ୍ବାଲିଫାୟର୍ସରେ ଭାରତକୁ ମିଳିଲା ବହୁ ପ୍ରତିକ୍ଷୀତ ବିଜୟ । କ୍ୟାପଟେନ ସୁନୀଲ ଛେତ୍ରୀଙ୍କ ଦମଦାର ପ୍ରଦର୍ଶନ ବଳରେ ବାଂଲାଦେଶ ବିପକ୍ଷରେ ବଡ଼ ବିଜୟ ହାସଲ କରିଛି ଟିମ ଇଣ୍ଡିଆ । ଚଳିତ FIFA ବିଶ୍ବକପ କ୍ବାତାର 2022 ଓ AFC ଏସିଆନ କପ କ୍ବାଲିଫାୟର୍ସ ରେ 2-0ରେ ବାଂଲାଦେଶକୁ ହରାଇଛି ଭାରତ ।
ସୋମବାର ଦୋହାର ଜଶିମ ବିନ ହମାଦ ଷ୍ଟାଡିୟମରେ ଏହି ହାଇଭୋଲଟେଜ ମ୍ୟାଚ ଖେଳାଯାଇଥିଲା । 36 ବର୍ଷୀୟ ଛେତ୍ରୀ ମ୍ୟାଚ ଦ୍ବିତୀୟଅର୍ଦ୍ଧରେ 79ତମ ଓ 92ତମ ମିନିଟରେ ଦୁଇଟିଯାକ ଗୋଲ୍ କରିଥିଲେ । ଏହି ବିଜୟ ସହ ଭାରତ 7ଟି ମ୍ୟାଚରୁ 6 ପଏଣ୍ଟ ସହ ଗ୍ରୁପ ଇ'ରେ ତୃତୀୟ ସ୍ଥାନରେ ପହଞ୍ଚିଛି । ଏଥିସହ ଏସିଆନ କପ ଆଶା ଉଜ୍ଜୀବିତ ରହିଛି ।