ଆଣ୍ଡ୍ରିଆ ପିରଲୋ ଜୁଭେଣ୍ଟସର ନୂଆ କୋଚ ନିଯୁକ୍ତ

ଇଟାଲିର ମହାନ ଫୁଟବଲ ଖେଳାଳି ଆଣ୍ଡ୍ରିଆ ପିରଲୋ ସିରିଏ ଏ' ଚମ୍ପିଆନ ଜୁଭେଣ୍ଟସର ନୂତନ କୋଚ ନିଯୁକ୍ତ ହୋଇଛନ୍ତି ।

ତୁରିନ: ଇଟାଲିର ମହାନ ଫୁଟବଲ ଖେଳାଳି ଆଣ୍ଡ୍ରିଆ ପିରଲୋ ସିରିଏ ଏ' ଚମ୍ପିଆନ ଜୁଭେଣ୍ଟସର ନୂତନ କୋଚ ନିଯୁକ୍ତ ହୋଇଛନ୍ତି । ପୂର୍ବରୁ କୋଚ ଦାୟିତ୍ବରେ ଥିବା ମଉରିଜିଓ ସାରିଙ୍କ ସ୍ଥାନ ନେଇଛନ୍ତି ପିରଲୋ ।

ଜୁଭେଣ୍ଟସ କ୍ଳବ ସହ 30 ଜୁନ 2022 ପର୍ଯ୍ୟନ୍ତ ଦୁଇ ବର୍ଷ ପାଇଁ ପିରଲୋ ଚୁକ୍ତି କରିଛନ୍ତି । ନଭେମ୍ବର 2017ରେ ଫୁଟବଲରୁ ଅବସର ନେଇଥିଲେ ପିରଲୋ । କୋଚ ଭାବ ପ୍ରଥମକରି ଦାୟିତ୍ବ ତୁଲାଇବେ ପିରଲୋ ।

ଏସି ମିଲନରେ ସଫଳତାର ସହ 10 ବର୍ଷ ଖେଳିବା ପରେ ଇଟାଲି ପକ୍ଷରୁ ଜୁଭେଣ୍ଟସ ପିରଲୋଙ୍କ ଶେଷ କ୍ଳବ ଥିଲା । ସେ ଦୁଇଟି ଚମ୍ପିଆନ୍ସ ଲିଗ ଟାଇଟେଲ, ଦୁଇଟି UEFA ସୁପର କପ, ଦୁଇଟି ସିରିଏ ଏ ଟାଇଟେଲ FIFA କ୍ଳବ ବିଶ୍ବକପ, ଗୋଟିଏ ସୁପର କୋପା ଇଟାଲିଆନାଓ ଗୋଟିଏ କୋପା ଇଟାଲିଆ ଟାଇଟେଲ ବିଜୟୀ ରହିଛନ୍ତି ।

ବ୍ୟୁରୋ ରିପୋର୍ଟ, ଇଟିଭି ଭାରତ