ହାଇଦ୍ରାବାଦ:ଆଫଗାନିସ୍ତାନରେ ତାଲିବାନ ଆତଙ୍କ ଭୟରେ ସୋମବାର ରାଜଧାନୀ କାବୁଲ ବିମାନବନ୍ଦରରେ ଦେଖିବାକୁ ମିଳିଥିଲା ଅଭାବନୀୟ ଦୃଶ୍ୟ । ଯେଉଁ ଦୃଶ୍ୟ ସମସ୍ତଙ୍କୁ ବିଚଳିତ କରିଥିଲା କାରଣ ଏପରି ଦୃଶ୍ୟ ପୂର୍ବରୁ କେବେ ଦେଖାଯାଇଥିଲା । ବିମାନର କିଛି ଅଂଶକୁ ଧରି ଜୀବନ ବିକଳରେ ଲୋକେ ଦେଶ ଛାଡି ଚାଲିଯିବାକୁ କରୁଥିବା ପ୍ରୟାସ ସମସ୍ତଙ୍କୁ ସ୍ତବ୍ଦ କରିଥିଲା । ବିମାନଟି ଉଡାଣ ଭରିବାର କିଛି ସମୟ ମଧ୍ୟରେ ଯେଉଁମାନେ ବିମାନର ହ୍ବିଲ୍କୁ ଧରି ଉପରକୁ ଉଠିଯାଇଥିଲେ ସେମାନେ ତଳକୁ ଖସିପଡିବା ସହ ପ୍ରାଣ ହରାଇଥିଲେ । ଏହି ସମୟର ହୃଦୟ ବିଦାରକ ଭିଡିଓ ଭାଇରାଲ ହୋଇଥିଲା ।
ତେବେ ଆଫଗାନ ନ୍ୟୁଜ ଏଜେନ୍ସି Arianaର ରିପୋର୍ଟ ଅନୁଯାୟୀ, ବିମାନରୁ ଖସି ପ୍ରାଣ ହରାଇଛନ୍ତି ଆଫଗାନିସ୍ତାନ ଜାତୀୟ ଫୁଟବଲ ଟିମର ଖେଳାଳି ଜାକି ଅନୱାରି । ତାଲିବାନ ବଳପୂର୍ବକ ଶାସନଗାଦି ଦଖଲ କରିବା ପରେ ଦେଶ ଛାଡି ଚାଲିଯିବାକୁ ସୋମବାର କାବୁଲ ବିମାନବନ୍ଦର ଲୋକାରଣ୍ୟ ହୋଇଥିଲା ।