ହାଇଦ୍ରାବାଦ:ହାଇଦ୍ରାବାଦ ଏଫସିରେ ସାମିଲ ହେଲେ କେରଳର ଯୁବ ୱିଙ୍ଗର ଅବଦୁଲ ରବି । ଏହାକୁ ନେଇ ହାଇଦ୍ରାବାଦ ଏଫସି ପକ୍ଷରୁ ମଙ୍ଗଳବାର ଘୋଷଣା କରାଯାଇଛି । ଇଣ୍ଡିଆନ ସୁପର ଲିଗ ଆଗାମୀ ସିଜିନ ପୂର୍ବରୁ ଏହି ଯୁବ ଖେଳାଳିଙ୍କୁ ଫ୍ରାଞ୍ଚାଇଜିରେ ସାମିଲ କରି ହାଇଦ୍ରାବାଦ ଏଫସି ଅଧିକ ମଜବୁତ ହେବା ନେଇ ଆଶା ରଖିଛି ।
ଇଣ୍ଡିଆନ ସୁପର ଲିଗରେ ଏହା ହେଉଛି ଅବଦୁଲ ରବିଙ୍କ ପ୍ରଥମ ଫ୍ରାଞ୍ଚାଇଜି । ଏହି 20 ବର୍ଷୀୟ ମଲ୍ଲାପୁରମ ଖେଳାଳି ସର୍ବ ଭାରତୀୟ ଫୁଟବଲ ଫେଡେରେସନର 16 ବର୍ଷୀୟ ଓ 18 ବର୍ଷୀୟ ବିଭାଗରେ ଦମଦାର ଖେଳ ପ୍ରଦର୍ଶନ କରିଛନ୍ତି। 2020-21 ସିଜିନରେ ସେ କେରଳ ପ୍ରିମିୟର ଲିଗରେ ଲୁକା କ୍ଲବ ପାଇଁ ଖେଳିଥିଲେ (Luca Sc) ।