ମୁମ୍ବାଇ: ଘରୋଇ କ୍ରିକେଟରେ ପ୍ରଭାବୀ ପ୍ରଦର୍ଶନ ପରେ 23 ବର୍ଷୀୟ ଆରଜନ ନାଗୱାସୱଲାଙ୍କୁ ଜାତୀୟ ଟିମ ଟିକେଟ ମିଳିଛି । ଆଗାମୀ ବିଶ୍ବ ଟେଷ୍ଟ ଚମ୍ପିଆନସିପ ଫାଇନାଲ ଓ ଇଂଲଣ୍ଡ ବିପକ୍ଷ 5 ମ୍ୟାଚ ଟିକିଆ ଟେଷ୍ଟ ସିରିଜ ପାଇଁ ନାଗୱାସୱଲା ଭାରତୀୟ ସ୍କ୍ବାଡରେ ଷ୍ଟାଣ୍ଡବାଏ ଖେଳାଳି ଭାବେ ଚୟନ ହୋଇଛନ୍ତି ।
ଏହାପରେ ନାଗୱାସୱଲା ଭେଟେରାନ ପୂର୍ବତନ କ୍ରିକେଟର ଜାହିର ଖାନଙ୍କୁ ନିଜର ଆଦର୍ଶ ବୋଲର ଓ ପ୍ରେରଣାର ଉତ୍ସ ବୋଲି କହିଛନ୍ତି । ଏଥିସହ ଷ୍ଟାର ବୋଲର ଜଶପ୍ରୀତ ବୁମରା ଓ ବୋଲିଂ କୋଚ୍ ଭାରତ ଅରୁଣଙ୍କ ଠାରୁ ଅନ୍ତର୍ଜାତୀୟ ମୁକାବିଲା ଖେଳିବାକୁ କୌଶଳ ଶିଖିବେ ବୋଲି କହିଛନ୍ତି । ନାଗୱାସୱଲାଙ୍କ ଏହି ବୟାନ ବିସିସିଆଇ ଟିଭି ସେୟାର କରିଛି ।
ବାମହାତୀ ଦ୍ରୁତ ବୋଲର, 2019-20 ରଣଜୀ ଟ୍ରଫି ସିଜିନରେ ସେମିଫାଇନାଲ ଖେଳିଥିବା ଗୁଜୁରାଟର ପ୍ରମୁଖ ବୋଲର ରହିଥିଲେ । 18.36 ଆଭରେଜରେ 41 ୱିକେଟ ହାସଲ କରିବା ସହ, ଗୁଜୁରାଟର ସର୍ବାଧିକ ୱିକେଟ ହାସଲକାରୀ ବୋଲର ରହିଛନ୍ତି ।