ନୂଆଦିଲ୍ଲୀ: ବାପା ହେଲେ ଭାରତୀୟ କ୍ରିକେଟ ଦଳର ପୂର୍ବତନ ଖେଳାଳି ଯୁବରାଜ ସିଂହ । ଗତ ମଙ୍ଗଳବାର ଯୁବରାଜ ଓ ପତ୍ନୀ ହେଜଲ କିଚ ଏକ ପୁତ୍ର ସନ୍ତାନ ଲାଭ କରିଛନ୍ତି । ଏନେଇ ସେ ତାଙ୍କ ସମସ୍ତ ଫ୍ୟାନ୍ସଙ୍କୁ ଟ୍ବିଟ କରି ଖୁସି ଖବର ଜଣାଇଛନ୍ତି ଯୁବରାଜ ।
ଯୁବରାଜ ନିଜ ଟ୍ବିଟର ମାଧ୍ୟମରେ ତାଙ୍କର ଅଗଣିତ ଫ୍ୟାନ୍ସଙ୍କୁ ସୂଚନା ଦେଇଛନ୍ତି ଯେ, ଆମର ଏକ ପୁତ୍ର ସନ୍ତାନ ହୋଇଛି । ଯାହାକୁ ବ୍ୟକ୍ତ କରିବା ପାଇଁ ଅନେକ ଖୁସି ଅନୁଭବ ହେଉଛି । ଏଥିସହ ତାଙ୍କ ପ୍ରାଇଭେସିକୁ ସମ୍ମାନ ଜଣାଇବା ପାଇଁ ସମସ୍ତଙ୍କୁ କହିଛନ୍ତି ।