ମୁମ୍ବାଇ:ମହିଳା ପ୍ରିମିୟର ଲିଗ ପ୍ରଥମ ସଂସ୍କରଣରେ ଆଜି 14ତମ ମ୍ୟାଚ ଖେଳାଯିବ । ଏଥିରେ ମୁମ୍ବାଇ ଇଣ୍ଡିଆନ୍ସ ଓ ଗୁଜରାଟ ଜିଆଣ୍ଟ୍ସ ପରସ୍ପରକୁ ଭେଟିବେ । ମହିଳା ଆଇପିଏଲ ଉଦଘାଟନୀ ମ୍ୟାଚରେ ଦୁଇ ଦଳ ପରସ୍ପରକୁ ଭେଟିଥିଲେ । ମୁମ୍ବାଇ ଗୁଜରାଟ ବିପକ୍ଷ ପ୍ରଥମ 143ରନ ବିଶାଳ ବିଜୟ ହାସଲ କରିଥିଲା । ପୂର୍ବ ତ୍ରୁଟିକୁ ସୁଧାରି ସ୍ନେହ ରଣାଙ୍କ ନେତୃତ୍ବରେ ଆଜି ଗ୍ରାଉଣ୍ଡକୁ ଓହ୍ଲାଇବ ଗୁଜରାଟ । ମୁମ୍ବାଇର ବାବ୍ରୋର୍ଣ୍ଣ ଷ୍ଟାଡିୟମରେ ଖେଳାଯିବ ମ୍ୟାଚ ।
ମହିଳା ଆଇପିଏଲ ପ୍ରଥମ ସଂସ୍କରଣରେ ମୁମ୍ବାଇର ପ୍ରର୍ଦଶନ ଭଲ ରହିଛି । ଦଳ ଏ ପର୍ଯ୍ୟନ୍ତ ଅପରାଜୟ ରହିଛି । ସମସ୍ତ ମ୍ୟାଚରେ ଦମଦାର ପ୍ରଦର୍ଶନ କରି ବିଜୟ ହାସଲ କରିଛି । ମାର୍ଚ୍ଚ 12 ତାରିଖରେ ୟୁପି ୱାରିୟର୍ଜ ବିପକ୍ଷ ମୁକାବିଲାରେ ବିଜୟ ହାସଲ କରିଥିଲା ମୁମ୍ବାଇ । 8 ୱିକେଟରେ ୟୁପିକୁ ପରାସ୍ତ କରିଥିଲା । ମହିଳା ଆଇପିଏଲ ଉଦଘାଟନୀ ମ୍ୟାଚରେ ଗୁଜରାଟ ବିପକ୍ଷରେ ଖେଳିଥିଲା ମୁମ୍ବାଇ । ଏହି ମ୍ୟାଚରେ 143 ରନର ବିଶାଳ ବିଜୟ ସହ ଅଭିଯାନ ଆରମ୍ଭ କରିଥିଲା ହର୍ମନପ୍ରୀତ କୌରଙ୍କ ନେତୃତ୍ବାଧୀନ ମୁମ୍ବାଇ ଇଣ୍ଡିଆନ୍ସ । ମୁମ୍ବାଇର ସମସ୍ତ ବିଭାଗ ସନ୍ତୁଳିତ ଅଛି ।
ଏହା ବି ପଢନ୍ତୁ...WPL 2023: ଆରସିିବିର ପଞ୍ଚମ ପରାଜୟ, 6 ୱିକେଟରେ ଜିତିଲା ଦିଲ୍ଲୀ