ମୁମ୍ବାଇ:ମହିଳା ପ୍ରିମିୟର ଲିଗରେ ଆଜି (ଗୁରୁବାର) ମୁମ୍ବାଇ ଓ ଦିଲ୍ଲୀ ମଧ୍ୟରେ ମୁକାବିଲା ଅନୁଷ୍ଠିତ ହେବ । ହର୍ମନପ୍ରୀତଙ୍କ ନେତୃତ୍ବାଧୀନ ମୁମ୍ବାଇ ଇଣ୍ଡିଆନ୍ସ ଓ ମେଗ ଲାନିଙ୍ଗ ଦିଲ୍ଲୀ କ୍ୟାପିଟାଲ୍ସ ପରସ୍ପରକୁ ଭେଟିବେ । ଦୁଇ ଦଳ ଦୁଇଟି ଲେଖାଏଁ ମ୍ୟାଚ ଜିତି ସାରିଛନ୍ତି । ହ୍ୟାଟ୍ରିକ ବିଜୟ ଲକ୍ଷ୍ୟରେ ଆଜି ମଇଦାନକୁ ଓହ୍ଲାଇବେ ମୁମ୍ବାଇ ଦିଲ୍ଲୀ । ମୁମ୍ବାଇର ଡିୱାଇ ପାଟିଲ ଷ୍ଟାଡିୟମରେ ମ୍ୟାଚ ଖେଳାଯିବ । ରାତି 7ଟା 30ରେ ମ୍ୟାଚ ଆରମ୍ଭ ହେବ ।
ମୁମ୍ବାଇ ଇଣ୍ଡିଆନ୍ସ ତାର ଉଦଘାଟନୀ ମ୍ୟାଚରେ ଗୁଜରାଟ ଜାଏଣ୍ଟ୍ସକୁ ପରାସ୍ତ କରି ବିଜୟରୁ ଅଭିଯାନ ଆରମ୍ଭ କରିଥିଲା । ଗୁଜରାଟ ବିପକ୍ଷରେ 143 ରନର ବିଶାଳ ବିଜୟ ହାସଲ କରିଥିଲା । ଏହା ପରେ ଦ୍ବିତୀୟ ମ୍ୟାଚରେ ରୟାଲ ଚାଲେଞ୍ଜର୍ସକୁ ପରାସ୍ତ କରିଥିଲା । ଆଜି ଗୁଜରାଟକୁ ପରାସ୍ତ କରି ବିଜୟଧାରା ବଜାୟ ଲକ୍ଷ୍ୟରେ ରହିଛି ମୁମ୍ବାଇ । ଦୁଇଟି ମ୍ୟାଚ ଜିତିବା ପରେ ଦୃଢ ମନୋବଳରେ ରହିଛନ୍ତି ମୁମ୍ବାଇ ଖେଳାଳି ।
ଏହା ବି ପଢନ୍ତୁ...WPL 2023: ଆରସିବିର ହ୍ୟାଟ୍ରିକ ପରାଜୟ, 11ରନରେ ଜିତିଲା ଗୁଜରାଟ
ସେହିପରି ମହିଳା ପ୍ରିମିୟର ଲିଗରେ ଦିଲ୍ଲୀ ମଧ୍ୟ ଦମଦାର ପ୍ରଦର୍ଶନ କରିଛି । ମେଗ ଲାନିଙ୍ଗଙ୍କ ଦିଲ୍ଲୀ କ୍ୟାପିଟାଲ୍ସ ତାର ପ୍ରଥମ ମ୍ୟାଚରେ ଆରସିବି ଓ ଦ୍ବିତୀୟ ମ୍ୟାଚରେ ୟୁପି ୱାରିୟର୍ଜକୁ ପରାସ୍ତ କରିଥିଲା । ମୁମ୍ବାଇ ବିପକ୍ଷରେ ଆଜିର ମକାବିଲା ଜିତି ବିଜୟଧାରା ଜାରି ରଖିବାକୁ ଲକ୍ଷ୍ୟ ରଖିଛି ଦିଲ୍ଲୀ ।