ମୁମ୍ବାଇ:ମହିଳା ଆଇପିଏଲରେ ୟୁପି ୱାରିୟର୍ଜ ତାର ପ୍ରଥମ ମୁକାବିଲାରେ ଦମଦାର ବିଜୟ ହାସଲ କରିଛି । ଗୁଜରାଟ ବିପକ୍ଷରେ ବିଜୟରୁ ଅଭିଯାନ ଆରମ୍ଭ କରିଛି ୟୁପି । ଏହି ମ୍ୟାଚ୍ ପରେ କିଛି ରୋଚକ ଘଟଣା ଦେଖିବାକୁ ମିଳିଛି । ୟୁପି ୱାରିୟର୍ଜ ଦଳରେ MSD ମହେନ୍ଦ୍ର ସିଂହଙ୍କର ଜଣେ ଫ୍ୟାନ୍ସ ରହିଛନ୍ତି । ସେ ହେଉଛନ୍ତି ମହାରାଷ୍ଟ୍ରର କିରଣ ପ୍ରଭୁ ନବଗିରି । ସେ ତାଙ୍କ ବ୍ୟାଟରେ ଏମଏସଡିଙ୍କ ନାମ ଓ ଜର୍ସି ନମ୍ବର ଲେଖିଛନ୍ତି ଯାହା ଏବେ ଭାଇରାଲ ହେବାରେ ଲାଗିଛି । ଯାହା ସମସ୍ତଙ୍କ ଦୃଷ୍ଟି ଆକର୍ଷଣ କରିଛି ।
MSDଙ୍କ ଫ୍ୟାନ କିରଣ:କିରଣ ପ୍ରଭୁ ନବଗିରିଙ୍କ ବ୍ୟାଟ ସୋସିଆର ମିଡିଆରେ ଭାଇରାଲ ହେଉଛି । ସେ ତାଙ୍କ ବ୍ୟାଟରେ MSD 07 ଲେଖିଛନ୍ତି । ମହିଳା ଆଇପିଏଲରେ ଗୁଜରାଟ ବିପକ୍ଷରେ ୟୁପି ୱାରିୟର୍ଜ ପକ୍ଷରୁ ଖେଳିଥିବା ପ୍ରଥମ ମ୍ୟାଚରେ ସେ ଅର୍ଦ୍ଧଶତକ ହାସଲ କରିଥିଲେ । ଏକ ଦମଦାର ଇନିଂସ ଖେଳିଥିଲେ କିରଣ । ଅନ୍ତର୍ଜାତୀୟ କ୍ରିକେଟରୁ ସନ୍ୟାସ ନେଇ ସାରିଥିବା ତଥା ଭାରତୀୟ ପୂର୍ବତନ ଅଧିନାୟକ ମହେନ୍ଦ୍ର ସିଂ ଧୋନୀ ଆଇପିଏଲ 16ତମ ସଂସ୍କରଣରେ ନଜର ଆସିବେ । ଚେନ୍ନାଇ ସୁପରକିଙ୍ଗ୍ସ ଅଧିନାୟକ ଧୋନୀ ଅଭ୍ୟାସ ଜାରି ରଖିଛନ୍ତି । ମହାରାଷ୍ଟ୍ରର କିରଣ ପ୍ରଭୁ ନବଗିରି ତାଙ୍କର ବଡ ଫ୍ୟାନ ।
ଏହା ବି ପଢନ୍ତୁ....WPL 2023: ଗୁଜରାଟର ଦ୍ବିତୀୟ ପରାଜୟ, ୟୁପି ୱାରିୟର୍ଜକୁ ଜିତାଇଲେ ଗ୍ରେସ ହ୍ୟାରିସ
କିରଣ ପ୍ରଭୁ ନବଗିରି 10 ସେପ୍ଟେମ୍ବର 2022ରେ ଟି-20 ଅନ୍ତର୍ଜାତୀୟ କ୍ରିକେଟରେ ଭାରତୀୟ ଦଳରେ ସାମିଲ ହୋଇଥିଲେ । କିରଣ ପ୍ରଥମ ମୁକାବିଲାରେ ଇଂଲଣ୍ଡ ବିପକ୍ଷରେ ଖେଳିଥିଲେ । 6 ଟି-20ରେ 4ଥର ବ୍ୟାଟିଂ କରିବାର ସୁଯୋଗ ପାଇଥିଲା ମାତ୍ର ଜଲୱା ଦେଖାଇ ପାରି ନଥିଲେ । 4ଥର ଖେଳି ମାତ୍ର 17 ରନ କରିଥିଲେ । ମାତ୍ର WPLର ପ୍ରଥମ ସିଜନରେ ତାଙ୍କର ଦମଦାର ପ୍ରଦର୍ଶନ ଦେଖିବାକୁ ମିଳିଛି । କିରଣ ନବଗିରି ଯେଉଁ ବ୍ୟାଟ୍ରେ ଅର୍ଦ୍ଧଶତକ ହାସଲ କରିଥିଲେ ସେଥିରେ ଏମଏସଡି 07 ଲେଖାଥିଲା । ସେ ଧୋନୀଙ୍କ ବଡ ପ୍ରଶଂସକ ବୋଲି ଜଣା ପଡ଼ିଛି ।
ପ୍ରକଶାଥାଉ କି, ଗତକାଲି(ରବିବାର) ମହିଳା ପ୍ରିମିୟର ଲିଗ୍ର ତୃତୀୟ ମ୍ୟାଚରେ ଗୁଜରାଟ ଜାଏଣ୍ଟ୍ସ ଓ ୟୁପି ୱାରୟର୍ଜ ମଧ୍ୟରେ ମୁକାବିଲା ହୋଇଥିଲା । ଏଥିରେ ୟୁପି ୱାରୟର୍ଜ ଜବରଦସ୍ତ ବିଜୟ ହାସଲ କରିଥିଲା । ଦଳକୁ ବିଜୟୀ କରିବାରେ ଗ୍ରେସ୍ ହ୍ୟାରିସ ପ୍ରମୁଖ ଭୂମିକା ତୁଲାଇଥିଲେ । 3 ୱିକେଟର ପ୍ରଥମ ମୁକାବିଲା ଜିତି ବିଜୟରୁ ଅଭିଯାନ ଆରମ୍ଭ କରିଛି ୟୁପି । ଗୁଜରାଟ ଦ୍ବିତୀୟ ପରାଜୟ ବରଣ କରିଛି । ପରବର୍ତ୍ତୀ ମୁକାବିଲାରେ ଆସନ୍ତାକାଲି(ମଙ୍ଗଳବାର) ଦିଲ୍ଲୀ କ୍ୟାପିଟାଲ୍ସକୁ ଭେଟିବ ୟୁପି ୱାରିୟର୍ଜ ।
