ଅହମ୍ମଦାବାଦ: ପାୱାର ପ୍ଲେରେ ଚମକିଲେ ବୁମ ବୁମ ବୁମରାହ । ପ୍ରଦର୍ଶନ କଲେ ଜବରଦସ୍ତ ବୋଲିଂ । ଅଷ୍ଟ୍ରେଲିଆ ବ୍ୟାଟରଙ୍କ ଉପରେ ଚାପ ପକାଇବା ସହିତ ନେଲେ ୨ଟି ୱିକେଟ । ଏହାରି ସହିତ ଭାରତ ଜିତିବାର ଆଶା ମଧ୍ୟ ଜାଗ୍ରତ ହୋଇଛି । ସ୍କୋରବୋର୍ଡରେ କଙ୍ଗାରୁ ଟିମକୁ ସେତେ ବଡ଼ ଟାର୍ଗେଟ ଦେଇପାରିନାହିଁ 'ମେନ ଇନ ବ୍ଲ୍ୟୁ' । ଏଭଳି ସ୍ଥିତିରେ ୱିକେଟ ହିଁ ଭାରତୀୟ ଟିମର ବିଜୟରେ ହେବ ସହାୟକ । ଏଭଳି ସ୍ଥିତିରେ ଦ୍ବିତୀୟ ଇନିଂସର ପ୍ରଥମ ପାୱାର ପ୍ଲେରେ ବୁମରାହଙ୍କ ପ୍ରଦର୍ଶନକୁ ବେଶ ପ୍ରଶଂସନୀୟ ରହିଛି ।
ଭାରତୀୟ ପେସର ଜଶପ୍ରୀତ ବୁମରାହ ନିଜର ପ୍ରଥମ ଓଭରରେ ୧୫ ରନ ଦେଇଥିଲେ । ଅଷ୍ଟ୍ରେଲିଆ ଓପନର ଟ୍ରେଭିସ ହେଡ ଓ ଡେଭିଡ ୱାର୍ଣ୍ଣର ୩ଟି ବାଉଣ୍ଡାରି ସାଙ୍ଗକୁ ୩ ରନ ସହ ସ୍କୋରବୋର୍ଡରେ ୧୫ ରନ୍ ଯୋଗ କରିଥିଲେ । ଏହାପରେ ନିଜର ତୃତୀୟ ଓଭରରେ କମାଲ କରିଥିଲେ ବୁମରାହ । ଅଷ୍ଟ୍ରେଲିଆର ୫ମ ଓଭର ଓ ବୁମରାହଙ୍କ ୩ୟ ଓଭରରେ ଅଷ୍ଟ୍ରେଲିଆ ବ୍ୟାଟରଙ୍କ ଉପରେ ଚାପ ପକାଇବା ସହ ଗୋଟିଏ ୱିକେଟ ନେଇଥିଲେ । ମିଚେଲ ମାର୍ସ ମାତ୍ର ୧୫ ରନ୍ କରି ପାଭିଲିୟନ ଫେରିଥିଲେ । ଏହାପରେ ଖୁସିରେ ଝୁମି ଉଠିଥିଲା ଷ୍ଟାଡିୟମ । ଚାର୍ଜ ହୋଇଯାଇଥିଲେ ଭାରତୀୟ ପ୍ରଶଂସକ । ଫ୍ୟାନ୍ସଙ୍କ ଚିଅର ଅପ୍ରେ ଷ୍ଟାଡିୟମ ଫାଟି ପଡ଼ିଥିଲା ।