ହାମିଲଟନ:ମହିଳା ଦିନିକିଆ ବିଶ୍ବକପରେ ଡେବ୍ୟୁ କରିଥିବା ବାଂଲାଦେଶ ସୋମବାର ପାକିସ୍ତାନକୁ ୯ ରନ୍ରେ ହରାଇ ଇତିହାସ ରଚିଛି । ବାଂଲାଦେଶ ଟିମ ପ୍ରଥମେ ବ୍ୟାଟିଂ କରି ନିର୍ଦ୍ଧାରିତ ୫୦ ଓଭରରେ ୭ ୱିକେଟ ହରାଇ ୨୩୪ ରନ୍ ସଂଗ୍ରହ କରିଥିଲା । ଫରଗନା ହକ୍ ୭୧ ଓ କ୍ୟାପଟେନ ନିଗାର ସୁଲତାନା ୪୬ ରନର୍ ଦମଦାର ଇଂନିସ ଖେଳିଥିଲେ ।
ପରେ ୨୩୫ ରନ୍ର ବିଜୟ ଲକ୍ଷ୍ୟକୁ ପିଛା କରିଥିବା ପାକିସ୍ତାନ ପକ୍ଷରୁ ସିଦ୍ରା ଅମିନ ୧୪୦ ବଲ୍ରୁ ୧୦୪ ରନ୍ର ଦମଦାର ଶତକୀୟ ଇଂନିସ ଖେଳିଥିଲେ । ଓପନର ନାହିଦା ଖାନ ୪୩ ଓ କ୍ୟାପେଟନ ବିଶମାହ ମାରୁଫ ୩୧ ରନ୍ର ଉପଯୋଗୀ ଇଂନିସ ଖେଳିଥିଲେ । ତେବେ ବାଂଲାଦେଶ ବୋଲରଙ୍କ ଘାତକ ବୋଲିଂ ଯୋଗୁଁ ନିର୍ଦ୍ଧାରିତ ଓଭରରେ ୯ ୱିକେଟ ହରାଇ ୨୨୫ ରନ୍ରେ ସୀମିତ ରହିଥିଲା ପାକିସ୍ତାନ ।