ଅକଲାଣ୍ଡ(ନ୍ୟୁଜିଲାଣ୍ଡ):ଚଳିତ ମହିଳା ବିଶ୍ବକପରେ ଶନିବାର ଏକ ଗୁରୁତ୍ବପୂର୍ଣ୍ଣ ମୁକାବିଲା ଖେଳିବ ଭାରତୀୟ ଟିମ । ଏଯାବତ ୪ଟି ମ୍ୟାଚ୍ ଖେଳି ଦୁଇଟି ବିଜୟ ଓ ଦୁଇଟିରେ ପରାସ୍ତ ହୋଇଥିବା ମିତାଲି ରାଜଙ୍କ ଟିମ ପାଇଁ ଆଗାମୀ ମ୍ୟାଚ୍ ଆହ୍ବାନପୂର୍ଣ୍ଣ ହେବ । କାରଣ ଚଳିତ ଟୁର୍ନାମେଣ୍ଟରେ ଏଯାବତ ଅପରାଜେୟ ଥିବା ଶକ୍ତିଶାଳୀ ଅଷ୍ଟ୍ରେଲିଆକୁ ଭେଟିବ ଭାରତ ।
ଶୀର୍ଷ ୪ଟି ସ୍ଥାନ ମଧ୍ୟରେ ରହି ସେମିଫାଇନାଲ ଟିକେଟ ହାତେଇବାକୁ ଲକ୍ଷ୍ୟ ରଖିବା ଭାରତ ପାଇଁ ଏହି ମ୍ୟାଚ୍ କର ବା ମର ସଦୃଶ ହୋଇଛି । ଏହି ମ୍ୟାଚ୍ ମଧ୍ୟ ଭେଟେରାନ ଭାରତୀୟ ଦ୍ରୁତ ବୋଲର ଝୁଲଣ ଗୋସ୍ବାମୀଙ୍କ ପାଇଁ ୨୦୦ତମ ଦିନିକିଆ ମ୍ୟାଚ୍ ହେବ ।