ହାଇଦ୍ରାବାଦ: ଭାରତୀୟ ଦଳର ନେତୃତ୍ବ ନେବେ ସେଫାଳି ବର୍ମା । ଅଣ୍ଡର ୧୯ ମହିଳା କ୍ରିକେଟ ବିଶ୍ବକପରେ ଭାରତ ତରଫରୁ କମାଣ ସମ୍ଭାଳିବେ ସେଫାଳି ବର୍ମା । ଏନେଇ ବିସିସିଆଇ ଟ୍ବିଟ୍ କରି ସୂଚନା ଦେଇଛି । ଆସନ୍ତା ଜାନୁଆରୀ ୧୪ ରୁ ୨୯ ତାରିଖ ପର୍ଯ୍ୟନ୍ତ ଦକ୍ଷିଣ ଆଫ୍ରିକାରେ ୧୯ ବର୍ଷରୁ କମ ମହିଳା କ୍ରିକେଟ ବିଶ୍ବ କପ ଖେଳାଯିବ । ଏନେଇ ଆଜି (ସୋମବାର) ବିସିସିଆଇ ୧୫ ଜଣିଆ ସ୍କ୍ବାଡ ଘୋଷଣା କରିଛି । ସେପଟେ ଯୁବ ପ୍ରତିଭାବାନ କ୍ରିକେଟରଙ୍କ ସେଫାଳି ବର୍ମାଙ୍କ ଉପରେ ଅଧନାୟିକା ଦାୟିତ୍ବ ନ୍ୟସ୍ତ କରିଛି ବିସିସିଆଇ । ସେହିପରି ଆଗାମୀ ଦକ୍ଷିଣ ଆଫ୍ରିକା ସିରିଜ ପାଇଁ ମଧ୍ୟ ଭାରତୀୟ ସ୍କ୍ବାଡ ଘୋଷଣା କରାଯାଇଛି ।
ଅଖିଳ ଭାରତୀୟ ମହିଳା ଚୟନ ସମିତି ଅଣ୍ଡର ୧୯ ମହିଳା କ୍ରିକେଟ ବିଶ୍ବକପ ପାଇଁ ୧୫ ଜଣିଆ ଟିମ୍ ଘୋଷଣା କରିଛି । ଆସନ୍ତା ଜାନୁଆରୀ ୧୪ରୁ ୨୯ ତାରିଖ ପର୍ଯ୍ୟନ୍ତ ଦକ୍ଷିଣ ଆଫ୍ରିକାରେ ୧୯ ବର୍ଷରୁ କମ ମହିଳା କ୍ରିକେଟ ବିଶ୍ବ କପ ଖେଳାଯିବ । ଏହି ବିଶ୍ବକପ ଟି୨୦ ଫର୍ମାଟରେ ଖେଳାଯିବ । ମୋଟ ୧୬ ଟିମ୍ ଏହି ମେଗା ଟୁର୍ଣ୍ଣାମେଣ୍ଟରେ ଭାଗ ନେବେ । ଏଥିରେ ପ୍ରାୟ ୪୧ ଟି ମ୍ୟାଚ ଖେଳାଯିବା ନେଇ ଖେଳ ସୂଚୀ ଧାର୍ଯ୍ୟ କରାଯାଇଛି । ଭାରତ ଗୃପ ଡି ରେ ଦକ୍ଷିଣ ଆଫ୍ରିକା, ୟୁଏଇ, ଏବଂ ସ୍କୋଟଲାଣ୍ଡ ସହିତ ସ୍ଥାନ ପାଇଛି । ପ୍ରତ୍ୟେକ ଗୃପରୁ ଶୀର୍ଷ ତିନୋଟି ଟିମ୍ ସୁପର ସିକ୍ସରେ ପ୍ରବେଶ କରିବେ । ଏହା ପରେ ୧୨ ଟି ଟିମକୁ ଦୁଇଟି ଗୃପରେ ବିଭାଗ କରାଯିବ ।
ସେପଟେ ଏହି ବିଶ୍ବକପ ପୂର୍ବରୁ ଦକ୍ଷିଣ ଆଫ୍ରିକା ବିପକ୍ଷରେ ଦ୍ବିପାକ୍ଷିକ ସିରିଜ ଖେଳିବ ଟିମ୍ ଇଣ୍ଡିଆ । ଏହି ଦକ୍ଷିଣ ଆଫ୍ରିକା ଗସ୍ତରେ ୱମେନ ଇନ୍ ବ୍ଲୁ ୫ ମ୍ୟାଚ ବିଶିଷ୍ଟ ଟି୨୦ ସିରିଜ ଖେଳିବ । ପ୍ରଥମ ଟି୨୦ ମ୍ୟାଚ୍ ଡିସେମ୍ବର ୨୭, ଦ୍ବିତୀୟ ଟି୨୦ ମ୍ୟାଚ୍ ଡିସେମ୍ବର ୨୯, ତୃତୀୟ ଟି୨୦ ମ୍ୟାଚ୍ ୩୧ ଡିସେମ୍ବର, ଚତୁର୍ଥ ଟି୨୦ ମ୍ୟାଚ୍ ଜାନୁଆରୀ ୨ ତାରିଖ ଏବଂ ପଞ୍ଚମ ଟି୨୦ ମ୍ୟାଚ୍ ଜାନୁଆରୀ ୪ ତାରିଖରେ ଖେଳାଯିବ ।
ଦକ୍ଷିଣ ଆଫ୍ରିକା ଟି୨୦ ସିରିଜ ପାଇଁ ମହିଳା ଅଣ୍ଡର ୧୯ ଭାରୀତୟ ସ୍କ୍ବାଡ