ୱେଲିଂଟନ(ନ୍ୟୁଜିଲାଣ୍ଡ):ଚଳିତ ICC ମହିଳା ODI ବିଶ୍ବକପ ୨୦୨୨ର ସେମିଫାଇନାଲରେ ପ୍ରବେଶ କରିଛି ଦକ୍ଷିଣ ଆଫ୍ରିକା । ଗୁରୁବାର ୱେଷ୍ଟଇଣ୍ଡିଜ-ଦକ୍ଷିଣ ଆଫ୍ରିକା ମ୍ୟାଚ୍ରେ ବର୍ଷା ବାଧକ ସାଜିବାକୁ ମ୍ୟାଚ୍ ବାତିଲ ହୋଇଥିଲା । କେବଳ ୧୦.୫ ଓଭର ଖେଳ ସମ୍ଭବ ହୋଇପାରିଥିଲା ।
ଦକ୍ଷିଣ ଆଫ୍ରିକାର ସ୍କୋର ୬୧/୪ ରହିଥିବାବେଳେ ବର୍ଷା ଯୋଗୁଁ ମ୍ୟାଚ୍ ସମ୍ଭବ ହୋଇନଥିଲା । ପରେ ମ୍ୟାଚ୍କୁ ବାତିଲ ଘୋଷଣା କରାଯିବା ସହ ଉଭୟ ଟିମକୁ ଗୋଟିଏ ଲେଖାଏଁ ପଏଣ୍ଟ ମିଳିଥିଲା । ଏହି ପଏଣ୍ଟ ସହ ଦକ୍ଷିଣ ଆଫ୍ରିକା ପଏଣ୍ଟ ଟେବୁଲର ଦ୍ବିତୀୟ ସ୍ଥାନରେ ରହି ଅପରାଜେୟ ଅଷ୍ଟ୍ରେଲିଆ ପରେ ଦ୍ବିତୀୟ ଟିମ ଭାବେ ସେମିଫାଇନାଲକୁ ଉନ୍ନୀତ ହୋଇଛି ।