ନୂଆଦିଲ୍ଲୀ: ଏସୀୟ କ୍ରିକେଟର ସବୁଠୁ ବଡ ଟୁର୍ଣ୍ଣାମେଣ୍ଟ ଏସିଆ କପ୍ ୨୦୨୩ର ବିଗୁଲ ବାଜି ସାରିଛି । ଏହି ହାଇପ୍ରୋଫାଇଲ କ୍ରିକେଟ ଟୁର୍ଣ୍ଣାମେଣ୍ଟ ଚଳିତ ମାସ ଅର୍ଥାତ ଅଗଷ୍ଟ ୩୦ ତାରିଖରୁ ଖେଳାଯିବ । ଚଳିତବର୍ଷ ଏହି ଟୁର୍ଣ୍ଣାମେଣ୍ଟ ହାଇବ୍ରିଡ ମଡେଲରେ ଖେଳାଯିବ । ଅର୍ଥାତ ସମ୍ପୂର୍ଣ୍ଣ ଟୁର୍ଣ୍ଣାମେଣ୍ଟ ଦୁଇଟି ଦେଶ ପାକିସ୍ତାନ ଏବଂ ଶ୍ରୀଲଙ୍କାରେ ଖେଳାଯିବ । ପ୍ରଥମେ ଭାରତ ସୁରକ୍ଷା ଦୃଷ୍ଟିରୁ ପାକିସ୍ତାନ ଯିବାକୁ ମନା କରିଦେଇଥିଲା । ସେଥିପାଇଁ ଏସିସି (ଏସୀୟ କ୍ରିକେଟ୍ ପରିଷଦ) ଓ ପିସିବି (ପାକିସ୍ତାନ କ୍ରିକେଟ୍ ବୋର୍ଡ) ଏହି ମଡେଲ ପ୍ରଦାନ କରିଥିଲେ ।
ଏହା ମଧ୍ୟ ପଢ଼ନ୍ତୁ...Asia Cup 2023: ଅଗଷ୍ଟ 30ରୁ ଆରମ୍ଭ, ସେପ୍ଟେମ୍ବର 2ରେ ଭାରତ-ପାକ୍ ମୁକାବିଲା
ହାଇବ୍ରିଡ୍ ମଡେଲ୍ରେ ଖେଳିବାକୁ ସମସ୍ତ ଏସୀୟ କ୍ରିକେଟ ବୋର୍ଡ ଗୁଡ଼ିକ ରାଜି ହେବା ପରେ ଖେଳସୂଚୀ ଜାରି କରିଥିଲା ଏସିସି । ଟିମ୍ ଇଣ୍ଡିଆ ଏସିଆ କପ ୨୦୨୩ର ପ୍ରଥମ ମ୍ୟାଚ ସେପ୍ଟେମ୍ବର ୨ ତାରିଖରେ ଖେଳିବ । ଏହି ଟୁର୍ଣ୍ଣାମେଣ୍ଟ ପାଇଁ ପ୍ରସ୍ତୁତ ହେବାକୁ ଭାରତୀୟ ଦଳ ୨୪ ଅଗଷ୍ଟରୁ ବେଙ୍ଗାଲୁରୁସ୍ଥିତ ଏନ୍ସିଏ (ଜାତୀୟ କ୍ରିକେଟ୍ ଏକାଡେମୀ)ରେ ଅଭ୍ୟାସ ଶିବିରରେ ଯୋଗଦେବେ । ହେଲେ ୱିକେଟ୍କିପର ଓ ବ୍ୟାଟର ସଞ୍ଜୁ ସାମ୍ସନ୍ ଏହି ଶିବିରରେ ସାମିଲ ହେବେନାହିଁ ବୋଲି ଜଣାପଡ଼ିଛି । ଏଥିରୁ ସ୍ପଷ୍ଟ ହୋଇଛି ଯେ, ଏସିଆ କପ ପାଇଁ ସାମ୍ସନ୍ ଟିମ ଇଣ୍ଡିଆର ଅଂଶ ହେବେ ନାହିଁ ।