ବିବାହ ପୂର୍ବରୁ ବାପା ହେବେ କମିନ୍ସ , ବାନ୍ଧବୀଙ୍କ ଘୋଷଣା

ଖୁବଶୀଘ୍ର ବାପା ହେବାକୁ ଯାଉଛନ୍ତି ଅଷ୍ଟ୍ରେଲିଆ ଭାଇସ କ୍ୟାପଟେନ ତଥା କୋଲକାତା ନାଇଟ ରାଇଡର୍ସ ଦ୍ରୁତ ବୋଲର ପାଟ କମିନ୍ସ । ଅଧିକ ପଢନ୍ତୁ...

ହାଇଦ୍ରାବାଦ:ଖୁବଶୀଘ୍ର ବାପା ହେବାକୁ ଯାଉଛନ୍ତି ଅଷ୍ଟ୍ରେଲିଆ ଭାଇସ କ୍ୟାପଟେନ ତଥା କୋଲକାତା ନାଇଟ ରାଇଡର୍ସ ଦ୍ରୁତ ବୋଲର ପାଟ କମିନ୍ସ । ଆଇପିଏଲ 2021 ଅଧାରୁ ସ୍ଥଗିତ ହେବାପରେ କମିନ୍ସ ବର୍ତ୍ତମାନ ମାଳଦୀପରେ ରହିଛନ୍ତି ଓ ସ୍ବଦେଶ ଫେରିବାକୁ ଅପେକ୍ଷା କରିଛନ୍ତି ।

ବାନ୍ଧବୀଙ୍କ ସହ କମିନ୍ସ

ତେବେ କମିନ୍ସ ନିର୍ବନ୍ଧ କରିଥିବା ଦୀର୍ଘ ଦିନର ବାନ୍ଧବୀ ବେକି ବୋଷ୍ଟନ କିନ୍ତୁ ଖୁସି ଖବର ଦେଇଛନ୍ତି । ପ୍ରଥମ ସନ୍ତାନକୁ ଜନ୍ମ ଦେବାକୁ ଯାଉଥିବା ଖୁଲାସା କରିଛନ୍ତି । ନିଜ ଇନଷ୍ଟାଗ୍ରାମ ଆକାଉଣ୍ଟରେ ବୋଷ୍ଟନ ଘୋଷଣା କରିଛନ୍ତି, "ବେବି ବୋଷ୍ଟନ କମିନ୍ସ ଖୁବ ଶୀଘ୍ର ଆମ ସହିତ ସାମିଲ ହେବେ, ସେଥିଲାଗି ଏହି ଖୁସିର ମୂହୂର୍ତ୍ତ ପାଇଁ ଉତ୍ସୁକତାର ସହ ଅପେକ୍ଷା କରିଛୁ ।"

ଗତ ବର୍ଷ ଫେବ୍ରୁଆରୀରେ କମିନ୍ସ ଦୀର୍ଘ ଦିନର ଗାଲଫ୍ରେଣ୍ଡ୍‌ ବୋଷ୍ଟନଙ୍କ ସହ ନିର୍ବନ୍ଧ କରିଥିଲେ ।

ବାନ୍ଧବୀଙ୍କ ଏହି ଘୋଷଣା ପରେ ମାଳଦୀପରେ ଥାଇ ମଧ୍ୟ ଖୁସିବ୍ୟକ୍ତ କରିଛନ୍ତି କମିନ୍ସ । ସିଡନୀ ହେରାଲ୍ଡର ରିପୋର୍ଟ ଅନୁଯାୟୀ, କମିନ୍ସ କହିଛନ୍ତି ନୂଆ ଅତିଥିଙ୍କୁ ସ୍ବାଗତ ପାଇଁ ଉତ୍ସାହିତ ରହିଛୁ , ଖୁବଶୀଘ୍ର ବିବାହ କରିବୁ ।

ଆଇପିଏଲ ଫ୍ରାଞ୍ଚାଇଜ କୋଲକାତା ନାଇଟ ରାଇଡର୍ସ ମଧ୍ୟ ଟ୍ବିଟ ଯୋଗେ ଶୁଭେଚ୍ଛା ଜଣାଇଛି ।

ଭାରତରେ କୋରୋନା ଭାଇରସର ଭୟାଭୟ ସଂକ୍ରମଣ ସ୍ଥିତି ଯୋଗୁଁ ଅଷ୍ଟ୍ରେଲିଆ ସରକାର ସିଧାସଳଖ ଅଷ୍ଟ୍ରେଲିଆକୁ ବିମାନ ଯାତ୍ରା ଉପରେ କଟକଣା ଲାଗୁ କରିଛନ୍ତି । ଫଳରେ ଆଇପିଏଲରେ ଅଂଶଗ୍ରହଣ କରିଥିବା କଙ୍ଗାରୁ ଖେଳାଳି ବିମାନଯାତ୍ରା କଟକଣା ହଟିବାକୁ ଅପେକ୍ଷା କରିଛନ୍ତି ।

ବ୍ୟୁରୋ ରିପୋର୍ଟ, ଇଟିଭି ଭାରତ