IPL 2022: ଅଗ୍ରୱାଲଙ୍କ ଦୃଢୋକ୍ତି, ପଞ୍ଜାବ ପାଖରେ ଟାଇଟେଲ ବିଜୟୀ ସ୍କ୍ବାଡ୍‌

ମାର୍ଚ୍ଚ ୨୬ରୁ ଆଇପିଏଲର ପଞ୍ଚଦଶ ସଂସ୍କରଣ ଆରମ୍ଭ ହେବାକୁ ଯାଉଥିବାବେଳେ, ମୟଙ୍କ କହିଛନ୍ତି ଫ୍ରାଞ୍ଚାଇଜ ଏଥର ପାଇଛି ଟଇଟେଲ ବିଜୟୀ ସ୍କ୍ବାଡ୍‌ । ଅଧିକ ପଢନ୍ତୁ

ମୁମ୍ବାଇ:ଆଇପିଏଲ ୨୦୨୨ ପୂର୍ବରୁ ପଞ୍ଜାବ କିଙ୍ଗ୍ସର ନବନିଯୁକ୍ତ କ୍ୟାପେଟନ୍‌ ମୟଙ୍କ ଅଗ୍ରୱାଲଙ୍କ ବଡ ବୟାନ । ମାର୍ଚ୍ଚ ୨୬ରୁ ଆଇପିଏଲର ପଞ୍ଚଦଶ ସଂସ୍କରଣ ଆରମ୍ଭ ହେବାକୁ ଯାଉଥିବାବେଳେ, ମୟଙ୍କ କହିଛନ୍ତି ଫ୍ରାଞ୍ଚାଇଜ ଏଥର ପାଇଛି ଟଇଟେଲ ବିଜୟୀ ସ୍କ୍ବାଡ୍‌ । କେବଳ ମ୍ୟାଚ୍‌ର କଠିନ ସ୍ଥିତିରେ ଦକ୍ଷତାକୁ ପ୍ରମାଣିତ କରିବାକୁ ହେବ ।

ଓପନିଂ ପାର୍ଟନର କେଏଲ ରାହୁଲ ଲକ୍ଷ୍ନୌ ଫ୍ରାଞ୍ଚାଇଜକୁ ସିପ୍ଟ ହେବାପରେ ଟିମ ସହିତ ୪ଟି ସଂସ୍କରଣ ଖେଳିଥିବା ଅଗ୍ରୱାଲଙ୍କୁ ନେୃତୃତ୍ବ ଭାର ମିଳିଛି । ଗତ ଦୁଇଟି ସଂସ୍କରଣରେ ଅଗ୍ରୱାଲ ୪୦୦ରୁ ଅଧିକ ରନ୍‌ ସଂଗ୍ରହ କରିଛନ୍ତି ଓ ଆଇପିଏଲରେ ରାହୁଲଙ୍କ ସହିତ ଅନ୍ୟତମ ଶକ୍ତିଶାଳୀ ଓପନିଂ ଯୋଡି ହୋଇପାରିଥିଲେ । ମାତ୍ର ଟିମ ପ୍ଲେ-ଅଫ୍‌ ପର୍ଯ୍ୟାୟକୁ ପହଞ୍ଚିବାରେ ବିଫଳ ହୋଇଛି ।

ତେବେ IPL ନିଲାମିରେ ଶିଖର ଧାୱନ, କାଗିସୋ ରବାଡା, ଲିଆମ ଲିଭିଂଷ୍ଟୋନ, ଜନ୍ନି ବେୟାରଷ୍ଟୋ ଓ ଓଡିନ ସ୍ମିଥଙ୍କ ଭଳି ଖେଳାଳିଙ୍କୁ କିଣି କ୍ୟାମ୍ପ୍‌ରେ ସାମିଲ କରିଛି । ସେହିପରି ପାୱାର ହିଟର ଶାହାରୁଖ ଖାନ ଓ ରିଟେନ ଖେଳାଳି ଅର୍ଶଦୀପ ସିଂହଙ୍କୁ ନେଇ ପଞ୍ଜାବ ସ୍କ୍ବାଡ୍‌ ଶକ୍ତିଶାଳୀ ରହିଛି । ଟିମର କ୍ରମାଗତ ଖରାପ ପ୍ରଦର୍ଶନ ଜାରି ରହିଛି । କେବଳ ୨୦୧୪ରେ ଫାଇନାଲରେ ପହଞ୍ଚିଥିଲା ପଞ୍ଜାବ । ଫଳରେ ମ୍ୟାନେଜମେଣ୍ଟ ନୂଆ ଖେଳାଳିଙ୍କୁ ନେଇ ଦୀର୍ଘଦିନର ଆଶାପୂରଣ କରିବାକୁ ଆଶାବାଦୀ ଅଛନ୍ତି ।