ମୁମ୍ବାଇ: ଦକ୍ଷିଣ ଆଫ୍ରିକା ବିପକ୍ଷ ଦିନିକିଆ ମ୍ୟାଚ ନେଇ ମୁହଁ ଖୋଲିଲେ ଭାରତୀୟ ବ୍ୟାଟ୍ସମ୍ୟାନ ବିରାଟ କୋହଲି (Virat Kohli clears the air at a press conference ) । ଦିନିକିଆ ମ୍ୟାଚ ଖେଳିବା ନେଇ କଲେ ଘୋଷଣା । ଟେଷ୍ଟ ମ୍ୟାଚ ପରେ ଭାରତ ଫେରିଆସିବେ, ଦିନିକଆରେ ଉପସ୍ଥିତ ରହିବେ ନାହିଁ ଏସବୁ ଚର୍ଚ୍ଚାକୁ ଖଣ୍ଟନ କରିଛନ୍ତି ବିରାଟ ।
ରୋହିତ ଶର୍ମା ଓ ବିରାଟ କୋହଲିଙ୍କ ମଧ୍ୟରେ ବିବାଦକୁ ନେଇ ଚର୍ଚ୍ଚା ଜୋର ଧରିବା ପରେ ଆଜି(ବୁଧବାର) ସାମ୍ବାଦିକ ସମ୍ମିଳନୀ କରି ସମସ୍ତ ଅସମାହିତ ପ୍ରଶ୍ନରେ ପୁର୍ଣ୍ଣଚ୍ଛେଦ ପକାଇଛନ୍ତି ବିରାଟ । ସେ କହିଛନ୍ତି ଯେ, ଦକ୍ଷିଣ ଆଫ୍ରିକା ବିପକ୍ଷ ଦିନିକିଆରେ ଉପସ୍ଥିତ ରହିବେ । ରୋହିତଙ୍କ ସହ ମୋର କୌଣସି ବିବାଦ ନାହିଁ । ଅଧିନାୟକ ପଦ ଯାଇଥିଲେ ମଧ୍ୟ ଟିମ ଇଣ୍ଡିଆ ପାଇଁ ଭଲ କରିବାର ଉତ୍ସାହ ପୂର୍ବଭଳି ରହିଛି । ଟେଷ୍ଟ ଟିମ୍ ଚୟନର ଦେଢ଼ ଘଣ୍ଟା ପୂର୍ବରୁ ଚୟନକର୍ତ୍ତା ମୋ ସହ ଯୋଗାଯୋଗ କରିଥିଲେ । ଦିନିକିଆରେ ବିଶ୍ରାମ ନେବା ପାଇଁ BCCI କୁ କହିନଥିବା ବିରାଟ କହିଛନ୍ତି ।