ନୂଆଦିଲ୍ଲୀ:ଦେଶରେ ମହମାରୀ କୋରୋନାର ସଙ୍ଗୀନ ସ୍ଥିତି । ସ୍ଥିତି ସୁଧୁରିବା ପରିବର୍ତ୍ତେ, ସଂକ୍ରମିତଙ୍କ ସଂଖ୍ୟା ବୃଦ୍ଧି ଅଧିକ ଚିନ୍ତାର କାରଣ ହୋଇଛି । ଟିମ ଇଣ୍ଡିଆ କ୍ୟାପଟେନ ବିରାଟ କୋହଲି ମଙ୍ଗଳବାର ଦେଶବାସୀଙ୍କୁ ସାମାଜିକ ଦୂରତା ରକ୍ଷା କରିବା, ହାତ ଧୋଇବା ସହ ଘରୁ ଯେ କୌଣସି କାମରେ ବାହାରକୁ ବାହାରିବା ସମୟରେ ମାସ୍କ ପିନ୍ଧିବାକୁ ଅପିଲ କରିଛନ୍ତି । କୋହଲିଙ୍କ ଏହି ଭିଡିଓ ଦିଲ୍ଲୀ ପୋଲିସ ସେୟାର କରିଛି ।
ଜାତୀୟ ରାଜଧାନୀ ଦିଲ୍ଲୀରେ ଅବସ୍ଥା ଭୟଙ୍କର ରହିଛି । 240 ମୃତ୍ୟୁ ସହ ସହରରେ ସର୍ବାଧିକ ଦୈନିକ ମୃତ୍ୟୁ ସଂଖ୍ଯା ରେକର୍ଡ କରିଛି । ଦିଲ୍ଲୀ ସରକାରଙ୍କ ପକ୍ଷରୁ ସୋମବାର ସନ୍ଧ୍ୟାରେ ଜାରି ସ୍ବାସ୍ଥ୍ୟ ବୁଲେଟିନ ଅନୁଯାୟୀ, ନୂଆ 23,686 ସଂକ୍ରମିତ ଚିହ୍ନଟ ହୋଇଛନ୍ତି ।