ନୂଆଦିଲ୍ଲୀ:ସମ୍ମୁଖ କୋରୋନା ଯୋଦ୍ଧା ଭାବେ ସ୍ବାସ୍ଥ୍ୟକର୍ମୀଙ୍କୁ କୃତଜ୍ଞତା ଜଣାଇଛନ୍ତି ଭାରତୀୟ ଦଳ ଅଧିନାୟକ ବିରାଟ କୋହଲି । ମହାମାରୀ ସଙ୍କଟ ସମୟରେ ନିଜ ଜୀବନକୁ ବାଜି ଲଗାଇ ସେବା କରୁଛନ୍ତି ସ୍ବାସ୍ଥ୍ୟକର୍ମୀ । କୋରୋନା ଲଢ଼େଇରେ ବିଜୟୀ ହେବାକୁ ସ୍ବାସ୍ଥ୍ୟକର୍ମୀଙ୍କ ପ୍ରମୁଖ ଯୋଗଦାନ ରହିଛି । ପ୍ରତ୍ୟେକ ପରିସ୍ଥିତିରେ ଏମାନେ କୋରୋନା ଆକ୍ରାନ୍ତଙ୍କୁ ସହାୟତା କରୁଛନ୍ତି ବୋଲି କହିଛନ୍ତି ବିରାଟ କୋହଲି ।
ବିରାଟ କୋହଲି ଟ୍ବିଟ୍ କରି କହିଛନ୍ତି ଯେ, "ସମ୍ମୁଖ କୋରୋନା ଯୋଦ୍ଧା ସ୍ବାସ୍ଥ୍ୟକର୍ମୀଙ୍କୁ କୃତଜ୍ଞତା ଜଣାଇବା ପାଇଁ ମୋ ପାଖରେ ଶବ୍ଦ ନାହିଁ । ସେମାନଙ୍କ ସମର୍ପଣ ଓ ଉତ୍ସାହ ଦେଖି ମୁଁ ଆଶ୍ଚର୍ଯ୍ୟ । ମୁଁ ସେମାନଙ୍କ ମଧ୍ୟ ଧନ୍ୟବାଦ ଦେବାକୁ ଚାହୁଁଛି, ଯେଉଁମାନେ ଏହି ସଙ୍କଟ ସମୟରେ ଆଗକୁ ଆସି ପରସ୍ପରକୁ ସହଯୋଗର ହାତ ବଢ଼ାଇଛନ୍ତି । ଭାରତ ଆପଣଙ୍କ ଭଳି ହିରୋ ପାଇ ଗର୍ବିତ ।"