ନୂଆଦିଲ୍ଲୀ: କ୍ରିକେଟ ଜଗତରେ ଭାରତୀୟ କ୍ରିକେଟ୍ ଦଳର ଭେଟେରାନ ବ୍ୟାଟର ବିରାଟ କୋହଲି ବର୍ତ୍ତମାନ ସମୟରେ ଜଣେ ଶ୍ରେଷ୍ଠ କ୍ରିକେଟର । ସେ ଟେଷ୍ଟ୍ କ୍ରିକେଟ୍ ହେଉ, ଦିନିକିଆ ବା ଟି୨୦, ଦୀର୍ଘ ଏକ ଦଶନ୍ଧୀରୁ ଅଧିକ ବର୍ଷ ଧରି ସେ କ୍ରିକେଟ୍ର ସମସ୍ତ ଫର୍ମାଟ୍ରେ ଯେଉଁଭଳି ରାଜ୍ କରିଛନ୍ତି, ସେଭଳି ଉଦାହରଣ କ୍ରିକେଟ ଜଗତରେ ଖୁବ ବିରଳ । ବିଶ୍ବ କ୍ରିକେଟରେ ସେ 'କିଙ୍ଗ୍ କୋହଲି' ଓ 'ରନ୍ ମେସିନ୍' ଭଳି ନାଁରେ ବେଶ ପରିଚିତ । କୋହଲିଙ୍କୁ ସାମ୍ନା କରୁଥିବାବେଳେ ଦୁନିଆର ଅନେକ ବଡ଼ ବଡ଼ ବୋଲର ମଧ୍ୟ ଝାଳ ବୁହାଇଥାନ୍ତି । ହେଲେ ଏମିତି ମଧ୍ୟ ଦୁଇଜଣ ବୋଲର ଅଛନ୍ତି, ଯାହାଙ୍କୁ ସାମ୍ନା କରିବା ବିରାଟ କୋହଲିଙ୍କ ପାଇଁ କଠିନ ହୋଇଥାଏ । ଏକଥା ଆମେ କହୁନୁ, ଖୋଦ ବିରାଟ କୋହଲି ଏନେଇ ଖୁଲାସା କରିଛନ୍ତି ।
ଏହି ଦୁଇ ବୋଲରଙ୍କୁ ସାମ୍ନା କରିବା କୋହଲିଙ୍କ ପାଇଁ କଠିନ: ନିକଟରେ ଏକ ସାକ୍ଷାତକାରରେ ବିରାଟ କୋହଲିଙ୍କୁ ପଚରାଯାଇଥିଲା ଯେ, କେଉଁ ବୋଲରଙ୍କୁ ସାମ୍ନା କରିବା ତାଙ୍କ ପାଇଁ ଚ୍ୟାଲେଞ୍ଜିଂ ରହିଥାଏ । ଏହାର ଜବାବରେ କୋହଲି ଦୁଇଜଣ ବୋଲରଙ୍କ ନାଁ କହିଛନ୍ତି, ଯାହାଙ୍କୁ ସାମ୍ନା କରିବା ତାଙ୍କ ପାଇଁ କଠିନ ହୋଇଥାଏ । ସେ କହିଛନ୍ତି, "ଇଂଲଣ୍ଡର ଦୃତ ବୋଲର ଜେମ୍ସ ଆଣ୍ଡରସନ୍ ଓ ଅଷ୍ଟ୍ରେଲିଆର ଦୃତ ବୋଲର ପ୍ୟାଟ୍ କମିନ୍ସଙ୍କ ବିପକ୍ଷରେ ଖେଳିବା ବେଶ ଚ୍ୟାଲେଞ୍ଜିଂ ରହିଥାଏ ।" ଏହାକୁ ସେ ବେଶ ଉପଭୋଗ କରଥାନ୍ତି ବୋଲି କହିଛନ୍ତି ।