ICC ODI Rankings: ବ୍ୟାଟିଂରେ ଉପରକୁ ଉଠିଲେ କୋହଲି-ରାହୁଲ, କୁଳଦୀପଙ୍କ ରାଙ୍କିଂରେ ବି ଉନ୍ନତି

ଆଇସିସିର ଦିନିକିଆ ବୋଲିଂ ଓ ବ୍ୟାଟିଂ ମାନ୍ୟତା ପ୍ରକାଶ ପାଇଛି । କୋହଲି, ରାହୁଲ ଓ କୁଲଦୀପଙ୍କ ରାଙ୍କିଂରେ ପ୍ରମୋସନ । ଅଧିକ ପଢ଼ନ୍ତୁ

ହାଇଦ୍ରାବାଦ: ପ୍ରକାଶ ପାଇଁ ICCର ଦିନିକିଆ ମାନ୍ୟତା । ବ୍ୟାଟିଂ ତାଲିକାରେ ସପ୍ତମ ସ୍ଥାନକୁ ଉଠିଛନ୍ତି ଭାରତୀୟ ବ୍ୟାଟର ବିରାଟ କୋହଲି। ପୂର୍ବରୁ ସେ ଏହି ତାଲିକାର ଅଷ୍ଟମ ସ୍ଥାନରେ ରହିଥିଲେ । ବିଶ୍ବକପରେ ଅଷ୍ଟ୍ରେଲିଆ ବିପକ୍ଷ ମ୍ୟାଚରେ ଦମଦାର ପ୍ରଦର୍ଶନ ପରେ ଦିନିକିଆ ବ୍ୟାଟିଂ ରାଙ୍କିଂରେ ସପ୍ତମ ସ୍ଥାନକୁ ଉନ୍ନୀତ ହୋଇଛନ୍ତି ଏହି ଷ୍ଟାର ବ୍ୟାଟର । ସେହିପରି କେଏଲ ରାହୁଲ ମଧ୍ୟ ଟପ 20ରେ ପ୍ରବେଶ କରିଛନ୍ତି । ପୂର୍ବରୁ ସେ ଦିନିକିଆ ବ୍ୟାଟିଂ ମାନ୍ୟତାର 21 ନମ୍ବର ସ୍ଥାନରେ ରହିଥିବା ବେଳେ ଏବେ 2ଟି ସ୍ଥାନ ଉପରକୁ ଉଠିଛନ୍ତି । ବିଶ୍ବକପରେ ଶ୍ରୀଲଙ୍କା ବିପକ୍ଷ ମାଚରେ ସେ 97 ରନ୍‌ କରିଥିବାରୁ ଦିନିକିଆ ମାନ୍ୟତାରେ ସେ ଉପରକୁ ଉଠିଛନ୍ତି । ସେହିପରି ତାଲିକାର ପ୍ରଥମ ସ୍ଥାନରେ ରହିଛନ୍ତି ପାକିସ୍ତାନ ଅଧିନାୟକ ବାବର ଆଜମ ଓ ଦ୍ବିତୀୟ ସ୍ଥାନରେ ରହିଛନ୍ତି ଶୁବମନ ଗିଲ । କିନ୍ତୁ ରୋହିତ ଶର୍ମା ମାନ୍ୟତାରେ ଗୋଟିଏ ସ୍ଥାନ ତଳକୁ ଖସିଛନ୍ତି । ସେ ପୂର୍ବରୁ 10 ନମ୍ବର ସ୍ଥାନରେ ଥିବା ବେଳେ ଏବେ 11 ନମ୍ବରକୁ ଖସି ଆସିଛନ୍ତି ।

ସେହିପରି ଆଇସିସିର ଦିନିକିଆ ବୋଲିଂ ମାନ୍ୟତାରେ ମହମ୍ମଦ ସିରାଜ ଦ୍ବିତୀୟ ସ୍ଥାନରେ ରହିଛନ୍ତି । କୁଲଦୀପ ଯାଦବ ଗୋଟିଏ ସ୍ଥାନ ଉପରକୁ ଉଠିଛନ୍ତି । ପୂର୍ବରୁ ସେ 9 ନମ୍ବର ସ୍ଥାନରେ ଥିବା ବେଳେ ବୁଧବାର ପ୍ରକାଶିତ ଆଇସିସି ବୋଲିଂ ମାନ୍ୟତାରେ ସେ ଅଷ୍ଟମ ସ୍ଥାନରେ ରହିଛନ୍ତି । ପ୍ରଥମ ସ୍ଥାନରେ ରହିଛନ୍ତି ଅଷ୍ଟ୍ରେଲିଆର ଜୋସ ହେଜେଲଉଡ୍‌ । ଜଶପ୍ରୀତ ବୁମରାଙ୍କ ରାଙ୍କି ଅପରିବର୍ତ୍ତିତ ରହିଛି । ସେ 21 ନମ୍ବର ସ୍ଥାନରେ ରହିଛନ୍ତି । କୁଳଦୀପ ଯାଦବ ବିଶ୍ବକପରେ ଖେଳାଯାଇଥିବା ଅଷ୍ଟ୍ରେଲିଆ ବିପକ୍ଷ ମ୍ୟାଚରେ 2ଟି ଓ୍ବିକେଟ ନେଇଥିଲେ। ସେହିପରି ଅଲରାଉଣ୍ଡର ମାନ୍ୟତାରେ ହାର୍ଦ୍ଦିକ ପାଣ୍ଡ୍ୟାଙ୍କ ମଧ୍ୟ କୌଣସି ଉନ୍ନତି ହୋଇନାହିଁ ସେ ସପ୍ତମ ସ୍ଥାନରେ ରହିଛନ୍ତି।

ସେପ୍ଟେମ୍ବର 13 ତାରଖିରେ ପ୍ରକାଶ ପାଇଥିବା ICC ଦିନିକିଆ ବ୍ୟାଟର ରାଙ୍କିଂରେ ଗିଲ୍‌ ତାଙ୍କ କ୍ୟାରିୟରର ଶ୍ରେଷ୍ଠ ସ୍ଥାନରେ ପହଞ୍ଚିଥିଲେ । ଯାହା ସେ ଆଜି ପର୍ଯ୍ୟନ୍ତ ମଧ୍ୟ ବଜାୟ ରଖିଛନ୍ତି । କେବଳ ଗିଲ୍‌ ନୁହନ୍ତି ଷ୍ଟାର ବ୍ୟାଟର ବିରାଟ କୋହଲିଙ୍କର ମଧ୍ୟ ଏହି ତାଲିକାରେ ପ୍ରମୋସନ ହୋଇଥିଲା ।