ଦୁବାଇ: ICC ପକ୍ଷରୁ ଜାରି ହୋଇଛି ନୂଆ ଟେଷ୍ଟ ରାଙ୍କିଂ । ଏହି ମାନ୍ୟତା ମୁତାବକ ଟପ୍ ୧୦ ଜଣ ଟେଷ୍ଟ ବୋଲରଙ୍କ ମଧ୍ୟରେ ସାମିଲ ହୋଇଛନ୍ତି ଜଶପ୍ରୀତ ବୁମରା । ସେହିଭଳି ବିରାଟ କୋହଲି ସପ୍ତମ ସ୍ଥାନରୁ ଖସି ନବମ ସ୍ଥାନରେ ପହଞ୍ଚିଛନ୍ତି । ସେ ସେଞ୍ଚୁରିଅନ ଟେଷ୍ଟର ପ୍ରଥମ ଇନିଂସରେ ଦୁଇଟି ୱିକେଟ ନେଇଥିବା ବେଳେ ଦ୍ବିତୀୟ ଇନିଂସରେ ୩ଟି ହାସଲ କରିଥିଲେ ।
ଭାରତୀୟ ଫାଷ୍ଟ ବୋଲର ମହମ୍ମଦ ସାମି ଦୁଇଟି ସ୍ଥାନ ଉପରକୁ ଉଠି ୧୭ତମ ସ୍ଥାନରେ ପହଞ୍ଚିଛନ୍ତି । ସେ ସେଞ୍ଚୁରିଅନ ଟେଷ୍ଟରେ ମୋଟ ୮ଟି ୱିକେଟ ହାସଲ କରିଥିଲେ । ସେପଟେ ଅଲ୍ରାଉଣ୍ଡର ତାଲିକାରେ ରବିଚନ୍ଦ୍ରନ୍ ଅଶ୍ବିନୀ ଦ୍ବିତୀୟ ସ୍ଥାନରେ ଅପରିବର୍ତ୍ତିତ ରହଛନ୍ତି । ସେଞ୍ଚୁରିଅନ ଟେଷ୍ଟରେ ପ୍ଲେୟାର ଅଫ ଦି ମ୍ୟାଚ୍ ବିବେଚିତ ହୋଇଥିବା କେ.ଏଲ ରାହୁଲ ବ୍ୟାଟର ତାଲିକାରେ ୩୧ତମ ସ୍ଥାନରେ ପହଞ୍ଚିଛନ୍ତି ।