ନୂଆଦିଲ୍ଲୀ: ମାଷ୍ଟର ବ୍ଳାଷ୍ଟର ସଚିନ ତେନ୍ଦୁଲକର ମଙ୍ଗଳବାର ଆଗାମୀ ଅଲମ୍ପିକ୍ସ ପାଇଁ ଟୋକିଓ ଯୋଗ୍ୟ ଆଥଲେଟଙ୍କୁ ଶୁଭେଚ୍ଛା ଜଣାଇଛନ୍ତି । ଜୁଲାଇ 23ରୁ ଅଗଷ୍ଟ 8 ପର୍ଯ୍ୟନ୍ତ ବିଶ୍ବ କ୍ରୀଡାର ମହାକୁମ୍ଭ ଟୋକିଓ ଅଲମ୍ପିକ୍ସ ଖେଳ ଅନୁଷ୍ଠିତ ହେବ । ଗତବର୍ଷ ଏହି ମେଗା ଇଭେଣ୍ଟ ଆୟୋଜନ ନେଇ ସୂଚୀ ରହିଥିଲା ମାତ୍ର କୋଭିଡ-19 ମହାମାରୀ ନେଇ ସ୍ଥଗିତ ରହିଥିଲା ।
ନିଜ ଟ୍ବିଟର ଆକାଉଣ୍ଟରେ ଏକ ଭିଡିଓ ସେୟାର କରି ତେନ୍ଦୁଲକର କହିଛନ୍ତି, "ମହାମାରୀ ସମୟରେ ଆଥଲେଟଙ୍କ ସମେତ ସମସ୍ତେ ବଡ ଆହ୍ବାନର ସାମ୍ନା କରିବାକୁ ପଡିଛି । ତେବେ ସେମାନେ ହାର୍ ମାନିନାହାନ୍ତି, ନିଜ ସମର୍ଥରେ ସେମାନେ ପ୍ରସ୍ତୁତି ଜାରି ରଖିଥିଲେ । ମୋର ବିଶ୍ବାସ ରହିଛି, ଟୋକିଓ ଅଲମ୍ପିକ୍ସରେ ସେମାନେ ଶ୍ରେଷ୍ଠ ପ୍ରଦର୍ଶନ କରିବେ । ସମସ୍ତ ଆଥଲେଟ କଠିନ ପରିଶ୍ରମ କରିଛନ୍ତି, ବର୍ତ୍ତମାନ ସେମାନେ ଆମର ସହଯୋଗ ଓ ଶୁଭେଚ୍ଛା ଆବଶ୍ୟକ କରନ୍ତି ।