ହାଇଦ୍ରାବାଦ:ଅନ୍ତର୍ଜାତୀୟ କ୍ରିକେଟକୁ ଅଲବିଦା କହିଲେ ଶ୍ରୀଲଙ୍କା ଅଲରାଉଣ୍ଡର ଥିସାରା ପରେରା । ସୋମବାର ଅନ୍ତର୍ଜାତୀୟ କ୍ରିକେଟକୁ ବିଦାୟ କହିଛନ୍ତି ପରେରା ।
32 ବର୍ଷୀୟ ଅଲରାଉଣ୍ଡର ଅନ୍ତର୍ଜାତୀୟ କ୍ରିକେଟରୁ ସନ୍ୟାସ ଘୋଷଣା କରିଥିଲେ ମଧ୍ୟ ଫ୍ରାଞ୍ଜାଇଜ କ୍ରିକେଟ ଖେଳିବା ଜାରି ରଖିବେ ବୋଲି କହିଛନ୍ତି । ଲଙ୍କା ପ୍ରିୟିମର ଲିଗ୍ରେ ଜାଫନା ଷ୍ଟାଲିଓନସ ପକ୍ଷରୁ ଖେଳିବା ଜାରି ରଖିବେ ବୋଲି ସ୍ପଷ୍ଟ କରିଛନ୍ତି ।
ପରେରା ଅନ୍ତର୍ଜାତୀୟ କ୍ରିକେଟ କ୍ୟାରିୟରରେ 6ଟି ଟେଷ୍ଟ ଖେଳିବାର ସୁଯୋଗ ପାଇଛନ୍ତି ଓ 203 ରନ୍ ସଂଗ୍ରହ କରିଚନ୍ତି । 11ଟି ୱିକେଟ ମଧ୍ୟ ତାଙ୍କ ନାମରେ ରହିଛି ।
ବାମହାତୀ ବ୍ୟାଟ୍ସମ୍ୟାନ କିନ୍ତୁ ସୀମିତ ଓଭର ଫର୍ମାଟରେ ପ୍ରଭାବୀ ପ୍ରଦର୍ଶନ କରିଛନ୍ତି । ଶ୍ରୀଲଙ୍କା ପକ୍ଷରୁ 166ଟି ଏକଦିବସୀୟ ମ୍ୟାଚ ଖେଳିଥିବାବେଳେ 2,338 ରନ୍ ସଂଗ୍ରହ କରିଛନ୍ତି ।