ମେଲବର୍ଣ୍ଣ:ଅଷ୍ଟ୍ରେଲିଆ ଓ ଇଂଲଣ୍ଡ ମଧ୍ୟରେ ମେଲବର୍ଣ୍ଣ କ୍ରିକେଟ ଗ୍ରାଉଣ୍ଡ(MCG)ରେ ଖେଳାଯାଉଛି ୫ ମ୍ୟାଚ୍ ବିଶିଷ୍ଟ ଆସେସ(Ashes) ଟେଷ୍ଟ ସିରିଜର ତୃତୀୟ ଟେଷ୍ଟ । ପ୍ରଥମ ଦୁଇଟି ଟେଷ୍ଟ ପରି ଅଷ୍ଟ୍ରେଲିଆ ମାଟିରେ ଇଂଲଣ୍ଡର ବ୍ୟାଟିଂ ବିପର୍ଯ୍ୟୟ ଜାରି ରହିଛି । ରବିବାର ବକ୍ସିଂ ଡେ ଟେଷ୍ଟର ପ୍ରଥମ ଦିନରେ ୧୮୫ ରନ୍ରେ ଇଂଲଣ୍ଡକୁ ଅଲଆଉଟ୍ କରିଛି ଘରୋଇ ଅଷ୍ଟ୍ରେଲିଆ ।
କଙ୍ଗାରୁ ବୋଲରଙ୍କ ଘାତକ ବୋଲିଂ ସାମ୍ନାରେ ଇଂଲିସ ବ୍ୟାଟ୍ସମ୍ୟାନ ପୁଣିଥରେ ଆତ୍ମସମର୍ପଣ କରିଛନ୍ତି । କ୍ୟାପଟେନ୍ ପାଟ୍ କମିନ୍ସ ଓ ନାଥନ ଲାୟମ ସର୍ବାଧିକ ୩ଟି ଲେଖାଏଁ ୱିକେଟ ହାସଲ କରିଛନ୍ତି । ସେହିପରି ମିଚେଲ ଷ୍ଟାର୍କ ୨ଟି, ବୋଲାଣ୍ଡ ଓ ଗ୍ରୀନ ଗୋଟିଏ ଲେଖାଏଁ ୱିକେଟ ହାତେଇଛନ୍ତି । ଇଂଲଣ୍ଡ ପକ୍ଷରୁ କ୍ୟାପଟେନ୍ ରୁଟ୍ ଏକମାତ୍ର ଖେଳାଳି ଭାବେ ଅର୍ଦ୍ଧଶତକ ହାସଲ କରିବାରେ ସକ୍ଷମ ହୋଇଛନ୍ତି । ୮୨ ବଲ୍ରୁ ୪ଟି ଚୌକା ସହାୟତାରେ ଲଢୁଆ ୫୦ ରନ୍ର ଉପଯୋଗୀ ଯୋଗଦାନ କରିଛନ୍ତି ରୁଟ୍ । ଜନ୍ନି ବେୟାରଷ୍ଟୋ ୩୫ ଓ ବେନ ଷ୍ଟୋକ୍ସ ୨୫ ରନ୍ର ଇଂନିସ ଖେଳିଛନ୍ତି । ଏହାବ୍ୟତୀତ ଅନ୍ୟ ସମସ୍ତ ବ୍ୟାଟ୍ର ଫେଲ୍ ମାରିଛନ୍ତି ।
ଏହାମଧ୍ୟ ପଢନ୍ତୁ: SA vs Ind, 1st Test: ଟସ୍ ଜିତିଲେ ବିରାଟ, ବ୍ୟାଟିଂ କରୁଛି ଭାରତ