ଲଣ୍ଡନ: ଭାରତୀୟ ଓପନର କେଏଲ ରାହୁଲ ଲର୍ଡ୍ସ ଟେଷ୍ଟରେ ଭାରତର ପ୍ରଥମ ଇଂନିସରେ ୧୨୯ ରନର ମାରାଥନ ଇଂନିସ ଖେଳିଛନ୍ତି । ପ୍ରଥମ ଦିନରେ ଶତକ ହାସଲ ସହ ଅପରାଜିତ ଥିବା ରାହୁଲ, ଶୁକ୍ରବାର ସାମ୍ନା କରିଥିବା ଦ୍ବିତୀୟ ବଲ୍ରେ ଆଉଟ ହୋଇଥିଲେ । ମାତ୍ର ଐତିହାସିକ 'ହୋମ୍ ଅଫ କ୍ରିକେଟ'ରେ ଶତକୀୟ ଇଂନିସ ପରେ ଲର୍ଡ୍ସରେ ଟେଷ୍ଟ ଶତକ ହାସଲକାରୀ ବ୍ୟାଡ୍ସମ୍ୟାନଙ୍କ ବିରଳ ତାଲିକାରେ ସାମିଲ ହୋଇଛନ୍ତି ଓ ନିଆରା ଉପଲବ୍ଧି ହାସଲ କରିଛନ୍ତି । ଲର୍ଡ୍ସ ଇତିହାସରେ ସବୁଦିନ ପାଇଁ ରାହୁଲଙ୍କ ନାମ ଲିପିବଦ୍ଧ ହୋଇଛି । ଏହି ତାଲିକାରେ ଆଶ୍ଚର୍ଯ୍ୟକର ଭାବେ ମହାନ ବ୍ୟାଟ୍ସମ୍ୟାନ ସଚିନ ତେନ୍ଦୁଲକର ରହିପାରିନାହାନ୍ତି ।
ମୋଟ ୧୦ଜଣ ଭାରତୀୟ ବ୍ୟାଟ୍ସମ୍ୟାନ ଲର୍ଡ୍ସରେ ୧୨ଟି ଟେଷ୍ଟ ଶତକ ହାସଲ କରିଛନ୍ତି, ଏହାମଧ୍ୟରେ ଦିଲିପ ଭେଙ୍ଗସରକାରଙ୍କ ନାମରେ ୩ଟି ପୃଥକ ଗସ୍ତରେ ୩ଟି ଶତକ ରହିଛି ।