କୋଲକାତା: ଆଜି (ରବିବାର) ଘରୋଇ ଭାରତ ଓ ୱେଷ୍ଟ ଇଣ୍ଡିଜ ମଧ୍ୟରେ ଅନ୍ତିମ ତଥା ତୃତୀୟ ଟି-ଟ୍ବେଣ୍ଟି ମ୍ୟାଚ ଖେଳାଯିବ । ପ୍ରଥମ ଦୁଇଟି ମ୍ୟାଚ ଜିତି ସିରିଜ ସିଲ କରିବା ପରେ ଆଜି ମ୍ୟାଚ ମୂଳପୋଛ ଲକ୍ଷ୍ୟରେ ରହିଛି ଟିମ ଇଣ୍ଡିଆ । ସେପଟେ ଦିନିକିଆ ସହ ଟି-ଟ୍ବେଣ୍ଟି ହାରିବା ପରେ ଆଜି ପ୍ରଥମ ବିଜୟ ପାଇଁ ଖେଳିବ ୱେଷ୍ଟ ଇଣ୍ଡିଜ । ଅବଶ୍ୟ ଆଜି ଯଦି ଇଣ୍ଡିଜ ମ୍ୟାଚ ଜିତେ ତେବେ ଏହା ସାନ୍ତ୍ବନାମୂଳକ ବିଜୟ ହେବ । ବିଜୟ ସହ ଗସ୍ତ ଶେଷ କରିବାକୁ ସବୁ ଶକ୍ତି ଖଟାଇବ ଇଣ୍ଡିଜ ।
ଆଜିର ମ୍ୟାଚରେ ଭାରତର ଚୂଡାନ୍ତ ଏକାଦଶରେ କିଛି ପରିବର୍ତ୍ତନ ହୋଇପାରେ । ଅନ୍ତିମ ଟି-ଟ୍ବେଣ୍ଟି ପୂର୍ବରୁ କୋହଲି ଓ ରିଷଭ ପନ୍ତଙ୍କୁ ୧୦ ଦିନିଆ ବ୍ରେକ ଦିଆଯାଇଛି । ଉଭୟ ଏହି ମ୍ୟାଚ ଖେଳିବେ ନାହିଁ । ସେମାନଙ୍କ ସ୍ଥାନରେ ଋତୁରାଜ ଗାଏକ୍ବାର୍ଡ ଓ ଶ୍ରେୟସ ଆୟରଙ୍କୁ ସୁଯୋଗ ମିଳିବ । ଋତୁରାଜ ଗାଏକ୍ବାର୍ଡ ଓପନିଂ କରିପାରନ୍ତି । ସେହିପରି ପେସ ବୋଲର ଅଭେଶ ଖାନ, ଦୀରକ ହୁଡା, ମହମ୍ମଦ ସିରାଜଙ୍କୁ ଚୂଡାନ୍ତ ଏକାଦଶରେ ସ୍ଥାନ ମିଳିପାରେ ।