କାବୁଲ:ଆଫଗାନିସ୍ତାନରେ ତାଲିବାନ ନେତୃତାଧିନ ସରକାରଙ୍କ ବଡ ନିଷ୍ପତ୍ତି । ପୂର୍ବତନ କ୍ରିକେଟ ଅଲ୍-ରାଉଣ୍ଡର ମିରୱାଇସ ଅସରଫଙ୍କୁ ଆଫଗାନିସ୍ତାନ କ୍ରିକେଟ ବୋର୍ଡ(ACB)ର କାର୍ଯ୍ୟକାରୀ ଅଧ୍ୟକ୍ଷ ନିଯୁକ୍ତ କରିଛି ତାଲିବାନ ।
ଫଳରେ ଗତ ଦୁଇ ମାସ ଧରି ବୋର୍ଡର ଦାୟିତ୍ବ ସମ୍ଭାଳିଥିବା ଏଜିଜୁଲ୍ଲା ଫଜିଲଙ୍କ ସ୍ଥାନ ନେବେ ମିରୱାଇସ ।
"ଇସଲାମିକ ଏମିରେଟ୍ସ ଅଫ ଆଫଗାନିସ୍ତାନର ପ୍ରଧାନମନ୍ତ୍ରୀ, ମିରୱାଇସ ଅସରଫଙ୍କୁ ଆଫଗାନିସ୍ତାନ କ୍ରିକେଟ ବୋର୍ଡ(ACB)ର କାର୍ଯ୍ୟକାରୀ ଅଧ୍ୟକ୍ଷ ନିଯୁକ୍ତ କରିଛନ୍ତି ।" ତାଲିବାନ ପକ୍ଷରୁ ଜାରି କରାଯାଇଥିବା ଏକ ବିବୃତିରେ ଦର୍ଶାଯାଇଛି ।
ଏକ ରିପୋର୍ଟ ଅନୁଯାୟୀ, ଚଳିତ ଟି-୨୦ ବିଶ୍ବକପ ସମୟରେ ଆବୁଧାବିରେ କିଛି ଜାତୀୟ କ୍ରିକେଟ ଟିମର ଖେଳାଳି ତାଲିବାନ ଅଧିକାରୀଙ୍କୁ ଭେଟିଥିଲେ । ଏହି ସମୟରେ ଖେଳାଳିଙ୍କ ପକ୍ଷରୁ ନିଯୁକ୍ତି ନେଇ ଦାବି କରାଯାଇଥିଲା ।
ଅସରଫଙ୍କ ACB ମୁଖ୍ୟ ଭାବେ ନିଯୁକ୍ତି, ବଳପୂର୍ବକ ତାଲିବାନଦେଶର ଶାସନ ଭାର ଅକ୍ତିଆର କରିବା ପରଠାରୁ ବଡ ରାଜନୈତିକ ଓ କ୍ରିକେଟ ହଙ୍ଗାମାର ସାମନା କରିଥିବା ଆଫଗାନିସ୍ତାନ କ୍ରିକେଟର ପୁନଃଉତ୍ଥାନ ନେଇ ଏକ ନୂଆ ଆଶା ସଞ୍ଚାର କରିଥିବା କୁହାଯାଉଛି ।