ମେଲବର୍ଣ୍ଣ:ଇଂଲିସ୍ ଟିମ୍ ଆଗରେ 138 ରନର ଟାର୍ଗେଟ ରଖିଲା ପାକିସ୍ତାନ । ଆରମ୍ଭ ହୋଇଯାଇଛି ମିଶନ୍ ମେଲବର୍ଣ୍ଣ ପାଇଁ ଲଢେଇ । ଟି୨୦ ବିଶ୍ବକପ ଫାଇନାଲରେ ଇଂଲଣ୍ଡ ବନାମ ପାକିସ୍ତାନ ମଧ୍ୟରେ ଖେଳାଯାଉଛି ହାଇଭୋଲଟେଜ୍ ମ୍ୟାଚ୍ । ପାକିସ୍ତାନ ପ୍ରଥମେ ବ୍ୟାଟିଂ କରି ନିର୍ଦ୍ଧାରିତ ୨୦ ଓଭରରେ ୮ ୱିକେଟ ହରାଇ 137 ରନ୍ କରିଛି । ତେବେ ଟି୨୦ ବିଶ୍ବକପ ଟାଇଟଲ ହାତେଇବାକୁ ହେଲେ ଇଂଲଣ୍ଡକୁ 138 ରନ ଟାର୍ଗେଟ ହାସଲ କରିବାକୁ ହେବ ।
୨୦୨୨ ବିଶ୍ବକପ ଟାଇଟଲ ହାତେଇବାକୁ ଇଂଲଣ୍ଡ ଓ ପାକିସ୍ତାନ ସ୍ବତନ୍ତ୍ର ରଣକୌଶଳ ନେଇ ମଇଦାନକୁ ଓହ୍ଲାଇଛନ୍ତି । ଉଭୟ ଦଳ ପରସ୍ପରକୁ ମାତ୍ ଦେବାକୁ ଜାରି ରଖିଛନ୍ତି ଜୋରଦାର ଲଢେଇ । ଇଂଲଣ୍ଡ ଟସ୍ ଜିତି ପ୍ରଥମେ ବୋଲିଂ ନିଷ୍ପତ୍ତି ନେଇଥିଲା । ପ୍ରଥମେ ବ୍ୟାଟିଂ ଆମନ୍ତ୍ରଣ ପାଇ ମଇଦାନକୁ ଓହ୍ଲାଇଥିଲା ବାବର ଆଜମଙ୍କ ସେନା । ଫାଇନାଲ ଭଳି ଗୁରୁତ୍ବପୂର୍ଣ୍ଣ ମ୍ୟାଚରେ ମ୍ୟାନ୍ ଇନ୍ ଗ୍ରୀନ୍ ଇଂଲିସ୍ ଟିମ୍ ଆଗରେ ବଡ ଟାର୍ଗେଟ ଦେବାରେ ବିଫଳ ହୋଇଛି । ସବୁଠୁ ବଡ କଥା ହେଲା ଦଳର କୌଣସି କ୍ରିକେଟ ଅର୍ଦ୍ଧଶତକୀୟ ପାଳି ଖେଳି ପାରିନାହାନ୍ତି । ସାମ୍ କରନଙ୍କ ଘାତକ ବୋଲିଂ ପାକିସ୍ତାନର ବ୍ୟାଟିଂ ଅର୍ଡର ଧ୍ବସ୍ତ ହୋଇଥିଲା ।