ମେଲବର୍ଣ୍ଣ:ଚଳିତ ଟି-ଟ୍ବେଣ୍ଟି ବିଶ୍ବକପରେ ମୁହାମୁହିଁ ହୋଇଛନ୍ତି ଭାରତ ଓ ଜିମ୍ବାୱେ । ଜିମ୍ବାୱେ ବିପକ୍ଷରେ ଟସ ଜିତିଛି ଟିମ ଇଣ୍ଡିଆ । ପ୍ରଥମେ ବ୍ୟାଟିଂ ନିଷ୍ପତ୍ତି ନେଇଛନ୍ତି ଅଧିନାୟକ ରୋହିତ ଶର୍ମା । ମେଲବୋର୍ଣ୍ଣ କ୍ରିକେଟ ଗାଉଣ୍ଡରେ ମୁହାମୁହିଁ ହୋଇଛନ୍ତି ଦୁଇଦଳ । ଭାରତ ଏକାଦଶରେ ପରିବର୍ତ୍ତନ କରାଯାଇଛି । ଦିନେଶ କାର୍ତ୍ତିକଙ୍କ ସ୍ଥାନରେ ରିଷବ ପନ୍ତଙ୍କୁ ସାମିଲ କରାଯାଇଛି । ଆଜିର ଏହି ମ୍ୟାଚ୍ ପରେ ସେମିଫାଇନାଲ ପାଇଁ ଲଢେଇ ହେବ । ତେବେ ଏହା ପୂର୍ବରୁ ସେମିଫାଇନାଲ୍ରେ ପହଞ୍ଚିଯାଇଛି ଭାରତ ।
ଆଜି ଦକ୍ଷିଣ ଆଫ୍ରିକା ନେଦରଲାଣ୍ଡ ଠାରୁ ହାରିବା ପରେ ଭାରତକୁ ଫାଇଦା ମିଳିଛି । ଫଳରେ ଦଳ ସେମିଫାଇନାକୁ ଉତ୍ତୀର୍ଣ୍ଣ ହୋଇଛି । ଲିଗ୍ ମ୍ୟାଚ୍ରେ ଭାରତ ୩ଟି ବିଜୟ ସହ ୬ ପଏଣ୍ଟ ହାସଲ କରି ଗ୍ରୁପ୍-୨ ପଏଣ୍ଟ ତାଲିକାର ଶୀର୍ଷ ସ୍ଥାନରେ ରହିଛି । ଅନ୍ୟପଟେ ଜିମ୍ବାୱେ ମଧ୍ୟ ଭାରତକୁ ହରାଇବାକୁ ଚେଷ୍ଟା କରିବ । ଗ୍ରୁପ ଏରେ ନ୍ୟୁଜିଲାଣ୍ଡ ଓ ଇଂଲଣ୍ଡ ସେମିଫାଇନାଲରେ ପ୍ରବେଶ କରିଛନ୍ତି ।
ଗ୍ରୁପ୍-୨ରୁ ଭାରତ ସେମି ଫାଇନାଲରେ ସ୍ଥାନ ପକ୍କା କରି ସାରିଛି । ପାକିସ୍ତାନ ବାଂଲାଦେଶକୁ ହରାଇ ସେମିଫାଇନାଲର ପ୍ରବେଶ କରିଛି । ଭାରତ ପାକିସ୍ତାନ ସହ ସେମିଫାଇନାଲ ଖେଳିବ । ଭଲ ପଏଣ୍ଟ ସହ ଟେବୁଲରେ ସ୍ଥାନ ବଜାୟ ରଖିବାକୁ ଭାରତକୁ ଜିମ୍ବାୱେ ବିପକ୍ଷରେ ବିଜୟ ହାସଲ କରିବାକୁ ହେବ । ଦଳକୁ ଭାଗୀଦାରି ଓ ନିମ୍ନ କ୍ରମ ବ୍ୟାଟିଂ ଉପରେ ଗୁରୁତ୍ବ ଦେବାକୁ ପଡିବ । ପୂର୍ବ ମ୍ୟାଚରେ ବାଂଲାଦେଶ ବିପକ୍ଷରେ କେଏଲ ରାହୁଲଙ୍କ ପ୍ରଦର୍ଶନ ଭଲ ଥିଲା ଆଜି ମଧ୍ୟା ତାଙ୍କଠୁ ଭଲ ପ୍ରଦର୍ଶନ ଆଶା କରୁଛନ୍ତି ଫ୍ୟାନ୍ସ ।