ଦୁବାଇ: 2022 ଟି-20 ବିଶ୍ବକପ ପାଇଁ ୟୁରୋପିଆନ ସବ ରିଜିନାଲ ଯୋଗ୍ୟତା ପର୍ଯ୍ୟାୟ ମ୍ୟାଚ ହେଲା ବାତିଲ । ମହାମାରୀ କୋରୋନା ସଂକ୍ରମଣ ଯୋଗୁଁ ଅଷ୍ଟ୍ରେଲିଆରେ ହେବାକୁ ଥିବା 2022 ଟି-20 ବିଶ୍ବକପ ପାଇଁ ପୁରୁଷ ବିଭାଗରେ ୟୁରୋପିଆନ ଯୋଗ୍ୟତା ପର୍ଯ୍ୟାୟ ମ୍ୟାଚକୁ ବାତିଲ କରି ଦିଆଯାଇଛି । ଏହାକୁ ନେଇ ଅନ୍ତର୍ଜାତୀୟ କ୍ରିକେଟ ପରିଷଦ ବା ଆଇସିସି ପକ୍ଷରୁ ସୂଚନା ଦିଆଯାଇଛି ।
ପ୍ରଥମ ଥର ପାଇ ଫିନଲ୍ୟାଣ୍ଡ କୌଣସି ଆଇସିସି ମ୍ୟାଚ ଆୟୋଜନ ହୋଇଥାନ୍ତା । ୟୁରୋପ ଏ ଓ ୟୁରୋପ ବି ଯୋଗ୍ୟତା ପର୍ଯ୍ୟାୟ ମ୍ୟାଚ ଜୁନ ମାସ 30 ତାରିଖରୁ ଜୁଲାଇ 5 ତାରିଖ ପର୍ଯ୍ୟନ୍ତ ଆୟୋଜନ କରିବାକୁ ନିଷ୍ପତ୍ତି ହୋଇଥିଲା । ଏହି ଯୋଗ୍ୟତା ପର୍ଯ୍ୟାୟ ମ୍ୟାଚର ଗ୍ରୁପ ବି ରେ ଜର୍ମାନା, ଗ୍ରୀସ, ହଙ୍ଗାରୀ, ଲକ୍ସମବର୍ଗ ଓ ସ୍ବିଡନ ଭଳି ଦେଶ ଭାଗ ନେବାକୁ କାର୍ଯ୍ୟକ୍ରମ ରହିଥିଲା । କ୍ବାଲିଫାୟର୍ସ ଏ ରେ ଫ୍ରାନ୍ସ, ଇସ୍ରାଏଲ, ଇଟାଲୀ, ମାଲତା, ନର୍ବେ, ଓ ସ୍ପେନ ଭଳି ଦେଶ ସାମିଲ ଥିଲେ ।