ମସକଟ୍(ଓମାନ):ICC ଟି-୨୦ ବିଶ୍ବକପ ୨୦୨୧ର ରାଉଣ୍ଡ ୧ ପର୍ଯ୍ୟାୟ ମ୍ୟାଚ୍ ସ୍କଟଲାଣ୍ଡ ଓ ପପୁଆ ନ୍ୟୁ ଗିନିଆ(PNG) ମଧ୍ୟରେ ଜାରି ରହିଛି । ଟସ୍ ଜିତି ପ୍ରଥମେ ବ୍ୟାଟିଂ ନିଷ୍ପତ୍ତି ପରେ ନିର୍ଦ୍ଧାରିତ ୨୦ ଓଭରରେ ୯ ୱିକେଟ ହରାଇ ୧୬୫ ରନ୍ ସଂଗ୍ରହ କରିଛି ସ୍କଟଲାଣ୍ଡ୍ । ଫଳରେ PNG ସାମ୍ନାରେ ୧୬୬ ରନ୍ର ବିଜୟ ଲକ୍ଷ୍ୟ ରହିଛି ।
ସ୍କଟଲାଣ୍ଡ୍ ପକ୍ଷରୁ କାଲମ ମାକଲିଅଡ ସର୍ବାଧିକ ୭୦ ରନର୍ ଦମଦାର ଇଂନିସ ଖେଳିଛନ୍ତି । ବିସ୍ଫୋରକ ବ୍ୟାଟିଂ ସହ ସେ ୪୯ ବଲ୍ରୁ ୬ଟି ଚୌକା ଓ ୩ଟି ବିଶାଳ ଛକା ସହାୟତାରେ ୭୦ ରନ୍ର ଅର୍ଦ୍ଧଶତକୀୟ ଇଂନିସ ଖେଳିଛନ୍ତି । ୱିକେଟ କିପର ମାଥ୍ୟୁ କ୍ରସ୍ ୩୬ ବଲ୍ରୁ ୪୫ ରନ୍ର ଦ୍ରୁତ ଇଂନିସ ଖେଳିଛନ୍ତି ।