ହାଇଦ୍ରାବାଦ: ଆଗାମୀ ଟି୨୦ ବିଶ୍ବକପ(T20 World Cup 2021) ପାଇଁ ଅନ୍ତର୍ଜାତୀୟ କ୍ରିକେଟ ପରିଷଦ(ICC) ଅଂଶଗ୍ରହଣକାରୀ ଦେଶ ଗୁଡିକ ଉଦ୍ଦେଶ୍ୟରେ ନିୟମାବଳୀ ଜାରି କରିଛି । ଫଟାଫଟ କ୍ରିକେଟର ଏହି ସଂସ୍କରଣର ବିଶ୍ବକପ ଟୁର୍ଣ୍ଣାମେଣ୍ଟ ସଂଯୁକ୍ତ ରାଷ୍ଟ୍ର ଏମିରେଟ୍ସରେ (UAE)ରେ ଖେଳାଯିବ । ଫଳରେ ଟୁର୍ଣ୍ଣାମେଣ୍ଟ ପାଇଁ ୧୫ଜଣ ଖେଳାଳି ଓ ୮ଜଣ ଅଧିକାରୀଙ୍କୁ ଆଇସିସି ପକ୍ଷରୁ ଅନୁମତି ମିଳିଛି ।
ପାକିସ୍ତାନ କ୍ରିକେଟ ବୋର୍ଡ(PCB)ର ଜଣେ ଅଧିକାରୀ ଶୁକ୍ରବାର କହିଛନ୍ତି ଯେ, ଅଂଶଗ୍ରହଣକାରୀ ଦେଶପାଇଁ ଆଇସିସି ଚୂଡାନ୍ତ ୧୫ ଖେଳାଳି, କୋଚ୍ ଓ ଜଣିଆ ସପୋର୍ଟ ଷ୍ଟାଫଙ୍କ ସୂଚୀ ପଠାଇବାକୁ ୧୦ ସେପ୍ଟେମ୍ବର ପର୍ଯ୍ୟନ୍ତ ସମୟସୀମା ଧାର୍ଯ୍ୟ କରିଛି । COVID୧୯ ସ୍ଥିତି ଓ ବାୟୋବବଲ ସୁରକ୍ଷା ସ୍ଥିତି କାରଣରୁ ଟି୨୦ ବିଶ୍ବକପରେ ଭାଗ ନେଇଥିବା ଦେଶଙ୍କୁ ଅତିରିକ୍ତ ଖେଳାଳିଙ୍କୁ ଟିମସହ ଆଣିବାକୁ ଅନୁମତି ପ୍ରଦାନ କରିଛି । ମାତ୍ରା ଏହାର ଖର୍ଚ୍ଚ ଉକ୍ତ ବୋର୍ଡ ବହନ କରିବେ । ଆଇସିସି କେବଳ ୧୫ଜଣ ଖେଳାଳି ଓ ୮ ଅଧିକାରୀଙ୍କ ଖର୍ଚ୍ଚ ବହନ କରିବ ।