ଆବୁଧାବି:ଦିଲ୍ଲୀ କ୍ୟାପିଟାଲ୍ସ ସ୍ପିନର ରବିଚନ୍ଦ୍ରନ ଅଶ୍ବିନ ନିଜର ଟି-୨୦ କ୍ରିକେଟ କ୍ୟାରିୟରରେ ଆଉ ଏକ ବଡ ଉପଲବ୍ଧି ହାସଲ କରିଛନ୍ତି । ରାଜସ୍ଥାନ ରୟାଲ୍ସ ବିପକ୍ଷ ମ୍ୟାଚରେ ଡେଭିଡ ମିଲରଙ୍କୁ ଫଟାଫଟ କ୍ରିକେଟରେ ୨୫୦ତମ ଶିକାର କରିଛନ୍ତି ଅଶ୍ବିନ । ଏହି ବିରଳ କିର୍ତ୍ତୀମାନ ହାସଲ କରିବାରେ ଅମିତ ମିଶ୍ର ଓ ପିୟୁଷ ଚାୱଲାଙ୍କ ପରେ ଅଶ୍ବିନ ତୃତୀୟ ଭାରତୀୟ ହୋଇଛନ୍ତି ।
୩୪ ବର୍ଷୀୟ ଅଫସ୍ପିନର ଅଶ୍ବିନ କେବଳ IPL ରେ ୧୪୦ ୱିକେଟ ହାସଲ କରିସାରିଛନ୍ତି । ସେହିପରି ଟିମ ଇଣ୍ଡିଆ ପକ୍ଷରୁ ୪୬ ଟି-୨୦ ଖେଳି ୫୨ ୱିକେଟ ଅକ୍ତିଆର କରିସାରିଛନ୍ତି । ବାକି ୱିକେଟ ଘରୋଇ କ୍ରିକେଟ ମ୍ୟାଚରୁ ହାସଲ କରିଛନ୍ତି । ଏହି ଉପଲବ୍ଧି ସହିତ IPL ରେ ସେ ଷଷ୍ଠ ସର୍ବଧିକ ୱିକେଟ ହାସଲକାରୀ ବୋଲର ।